مضوي عبدالرحمن كتب:

ياااااااااعادل خياري
الجماعة عقــــــــــــــــــــدو
هههههههههههههههه
هه هه هه هه هه

سلامات مضوى

اول شئ انا افتكرت انو لستك الركشة طرشق .. !!

ههههههه

نبارك لكم عقد قران الطوب على الكمر ..!!

وانشاء الله بيت مال وعيال ( يعنى طلبة ودافعين الرسوم ) .. !!

شدوا السواعد وربنا يخضر الضراع .. !!

الصور الصور يا عوض .. وعوض قفل البلف ..!!

سلام أستاذ مضوي
باركنا ليكم العقد ده في الفيس بتاعكم لقينا الخبر الجميل ده نازل في الفيس الجبنا منو صورة الفصل
وقلنا لبك متين الدخول على الفصل
لقيت نفسك نزلت الخبر هنا
سكيتك بالاسكايب لكن محظوظ مالميت فيك
عقبال الأبواب والشبابيك ورونا التكلفة كم عشان نمر على الجماعه المادفعوا

كلمت ليكم ناس جده اخونا بابكر محمد اخمد حاج العوض وفضل المولي وبالمره كده يمروا علي الجماعه البدخلوا المنتدي وهم مسجلين المفلس ياجماعه يدينا رايو برضو مهم

الصور الصور
ابشروا بالخير
الصور بتجيكم
رسلوا الكاميرا
لانو كاميرتنا
باظت

الفصل دة بنته جمعيات خيرية وفاعلين خير ولا احد يعرف بدور المنتدى فى بناء هذا الفصل ودى فضيحة كبيرة يا استاذ الزاكى
مع كل الاحترام نريد بكل شفافية توضيح دور المنتدى فى بناء هذا الفصل وتوضيح ايضا اسماء الجمعيات الخيرية التى بنت هذا الفصل والتوضيح دة لكل ابناء ومواطنى الهدى ولو المنتدى له دور فى بناء هذا الفصل لا نرضى الا بتسمية الفصل بلافتة كبيرة فصل منتدى ابناء الهدى وكتابة دور المنتدى فى البناء قدام الباب
انت مدير اعرق واعلى مدرسة وترضى بهذا الظلم لمنتداك يا سيد الزاكى وعملت زى ما عمل محمد الطيب فى مدرسة الصفاء

 

الاخ صديق الماحى والاخوة الاحباب الفاعلين بالمنتدى وكل هام وانتم بخير ورمضان كريم الشكر من بعد الله لكل من حمل هم بناء فصل بالهدى الثانوية بنات ولعل الدور الفاعل والاساسى فى تحريك هذا العمل هو ادارة واعضاء المنتدى واقول المتبرعين وكل المال الذى جمع لهذا الصرح العظيم هو سبل يسرها الله عبر المنتدى وليس غيره واقول بكل صراحة لم تكن هناك اى جمعية خيرية او منظمة دعمت هذا العمل وحتى اؤلئك الذين وعدونا من المنظمات لم يفو بما وعدوا . فكل مال جمع لا احد ايا كان ان ينكر دور المنتدى فيه فيا ناس المنتدى ربنا يقبل منكم جميعا . وكنت قد شكرت كل المساهمين عبر صفحات المنتدى ولايفوتنى فى هذه الصفحة ان اخص بالشكر الاخ المهندس كامل محمد احمد الهادى وهو يرسل مبلغ اربعمائة جنيه وكان اخر المساهمين وساوافيكم بتفاصيل ماجمع من مال ووتفاصيل صرفه ان شاء الله ومعذرة قد تاخرت كثيرا لان هناك عطل بالجهاز .

 

الاخ صديق انت كلك يصر وبصيرة واهل الميز ما يروحو وفكرتك رائعة واول ما اشوف عبد الحق او ساذهب واكلفه بالمهمة وجزاك الله عنا الف خير وبعد صلاة العصر ان ان شاء الله ساوضح ما وردنى من مال وفيما صرفته . فالمبالغ التى وردتنى جملة هى : 9360 جنيه وبالقديم تسعة مليون وثلاثمائة وستون الف جنيه . وهى كالاتى : عادل عبد الرحمن 3000 جنيه . صديق الماحى 700 جنيه . طارق مامون وعز الدبن حسن وود الياس 856 .وليد التلب 200 جنيه . الحاجة عجبت احمد على 50 جنيه . أ . الصادق عبد الله 20 جنيه .فاعلة خير السعودية 1000 جنيه . فاعل خبر السعودبة 1800 جنيه . معلمى الهدى بنات 1000 جنيه . الهادى محمد يحيى 334 جنيه . المهندس كامل محمد احمد الهادى 400 جنيه .
الجملة 9360 جنيه .
الصرف :
عقد البناء 3900 جنيه
3دورونصف رمل بحر 900
21 سيخة 3لينية 860
دور خرصانة 1000
16 جوال اسمنت × 40. 640
ايجار خزان مياه 90
الفين طوب احمر × 300 600
فطور عمال 442
ترحيل مواد 63 0
40 جير خفجة ÷صبابات ÷ 9جوال اسمنت 808
4 دور رمل سفاية بنيان 640
الجملة 10084 جنيه
وبعد خصم الجملتين نجد ان هناك عجز 724 جنيه
وعليه نشكر كل من ساهم بفكره وماله ووقته ولا يفوتنى ان اشكر اولئك الذين قدموا وجبة وهم
ابراهيم قوى قوى . صلاح عبدالسلام . عبد الله ابراهيم . صلاح الطيب ( عدة ) وعبد الله الطيب السمانى . والان بفضل الله تم البناء نامل من جميع المرابطين بالمنتدى المساهمة فى سد العجز ودفع الاخرين فى اكمال مابقى من تقفيل ومانقص مال من صدقة والله يخلف للجميع . امل ان اقرا كل مايهم هذه البلدة ونطمع فى المزيد . ارجو شاكرا المراجعة والافادة .

ساهلة وبتدبر وما تشيل هم بس كلم محمد الطيب واعملوا اللافتات
ذمتكم المالية ما عايزة ليها براءة ذمة فانتم اكبر من ذلك وما عملتوه فى ميزان حسناتكم ونحن مستعدين لى اى جديد

 

 الاخ صديق الماحى والاحباب بالمنتدى متعكم الله بالصحة والعافية انتم بعيدون عن الاهل وتجاهدون من اجل لقمة العيش الحلال ونحن بالداخل ننعم بالكثير فمتى ماطلب منا عمل ان شاء الله على الرحب والسعة ويا صديق الماحى خجلتنا عديل

يا محمد الطيب قلت لي الديون كم ؟

salah كتب:

 يا محمد الطيب قلت لي الديون كم ؟

سيلام يادكتور
ديون زاكي الدين 720
وديون محمد الطيب 3500

اي اقتراح

ساااااااااااااااهل جدا اي زول مقتدر في المنتدي ده يدفع 100 شهريا يحدي نسدد
الديون الفي الرقبة دي و نبيض الوش و بعد داك نشوف احتياجات تانية
و عشان نبقي جادين : اللستة تكون فيها حد ادني و محصور و قابلة للزياده
بسم الله الرحمن الرحيم
1\ صلاح محمد احمد التلب 100 ج بطرف محمد الطيب

يعني لو التزم 30 من الاعضاء ح يكون عندنا شهريا (3000,000)
و ربنا يهون

قيمة صغيرة تؤخذ من الطالبات ( واحد جنيه ) دي ح تكون (500) ج و ايد علي ايد تجدع بعيد

سلام. يادكتور
تشكر على التفاعل والاهتمام وجزاك الله ألف خير
بعد إذنك ما تبرعت به أرجو تسليمه للأخ زاكي الدين خالد
أهل الخير جزاهم الله خير تكفلوا بموضوع محمد الطيب
وتبقى موضوع الأخ زاكي

:بسم الله
الاخوة بالمنتدى لكم التحية وعبركم يتم انجاز عظيم الا وهو اكمال فصل بالهدى الثانوية بنات نحن الان بصدد تقفيل الفصل ومبدئيا تم وضع ميزانيتها بمبلغ 2 مليمون وهى خمس شبابيك وباب . عليه نحن الان نقف على اعتاب اتمام الانجاز وانا شخصيا ياناس المنتدى شبعت خجلا لاننى حينما بدات العمل باشارة من الاخوة صديق وعادل بدون فلس !!! لكنه التشجيع من عامة ابناء الهدى والمنتدى وكان الدفع وكانت الفاجأة بالنسبة لنا جميعا والحمد لله وانا من هنا اناشد الجميع بأن نتدافع من اجل الباض والتقفيل حتى يتم هذا المشروع قبل العيد ان شاء الله وعملية البياض تحتاج ايضا الى ما يقارب 2 مليون وان اليوم استلمت عدد عشرة جوال اسمنت فنتمنى من الجميع شد السواعد والتشمير وفصل المنتدى لابد ان يتم وسيظل شامخا لكل من ساهم والله ولى التوفيق .
 

اللافتات

[ندعوك للتسجيل في المنتدى أو التعريف بنفسك لمعاينة هذه الصورة]

دي طلبها ود المامون علي بنوت فريقو

اللافتات

استاذ الزاكي تحياتي اها باقي التقفيله والبياض الحصل معاي مبلغ بسيط وبحاول ازيدو برسلو ليك في اقرب وقت بعدين كلام اخونا صديق اللافتات نحن عارفين في ناس شاركوا في العمل دا وليهم اجرهم عند المولي عز وجل بس المنتدي كان ليهو الضلع الاكبر والله لانريد ان نفتخر كافراد بل نريد ان نشارك في اي عمل من اجل الهدي ونحن مع راي صديق الماحي اللافتات.

ربنا يكتر من امثالك يا عز الدين
اها يا جماعة بقينا اتنين وعقبال اولاد الهدى الباقيين يقولوا كلمة حق امام ظلم المنتدى واببناء الهدى

الحمد لله تم ارسال مبلغ التقفيل كلو وجزء كبير من تكملة البياض من اسرة المنتدى
نشكر كل من ساهم بماله وفكره
ونشكر الاستاذ الماسك على زمام المبادرة والمتابعة زاكي الدين احوي

اللاغتة

والله ياجماعه نحن عاوزين اللافتات حتي يعرف الجميع ان المنتدي يقدم خدماته للهدي دون من او اذي اللافتات يااخوانا يلا عجلوا

الاخوة بالمنتدى كانت عندنا لافتة واحدة والان بقن لافتين وممنوع الوقوف بين اللافتتين والله الهدى بنات جاهزة فى يدى بس اصلى العشاء ودربى على عوض الله للتنزيل والله لايضيع اجر من احسن عملا وبعدين موضوع الاستثمار عايزين الافادات

 
الحمد لله ديون التقفيلة سددت وباقى مبلغ من المال اقل من التكلفة الخاصة بالبياض . عشان كدا غيرنا البياض الى ارضية عشان نحافظ على الاجلاس حسب الشورى مع بعض الاخوة بالمدرسة وبدا الاتفاق مع الاخ صديق الجراد للعمل الفورى وربنا يسهل الامور ياأحبائى فالمسيرة طويلة .

سلام استاذ زاكي الدين
يعني نقول ليك مبروك ارتحت من نقة صديق الماحي

بسم الله 1:

استلمت بالامس الخميس مساهمة كريمة من الاخ الحبيب زيادة عبد الباقى وهى عبا رة عن مئاتى جنيه تقبلها الله منك يا الارباب ويا اخوتى نحن استبدلنا بياض الفصل بالارضية حتى نحافظ على سلامة الكراسى . عليه يا جماعة شدوا الحيل وفى انتظارك ياود حسن وجماعتك وافيدكم بانى قد ناقشت موضو الاستثمار مع الاخ الاستاذ حسبو الخزين واوضح لى القصور السابق واسبابه حتى نتحاشاها باذن الله

الفصل دة مش تم خلاص ما تعملوا ليهو صور نهائية كتيرة للتوثيق وخاصة لو بداخله التلاميذ يعنى لوحة نهائية رائعة نقفل بيها الموضوع ونركز جهودنا على الصفاء وبرضو نعمل ليها لوحة نهايئة