يا ودالبلة منتظرنك .. ونطالب بيك بشدة .. الدورى قررررررب .. وانت ابتعدت .. !!

ياخ محتاجين نضحك معاك ضحكات صافية على انغام دوزناتك العفوية الصادقة .. وقفشاتك اللذيذة ..!!

هى انا ما كلمتك .. !!

ابو الهل ما بقى وصيف الوصيف !! ..

والوصيف القلبى رادو .. الجمال حاز انفرادو .. !!

قلت ليكا :

هيثم مصطفى بتعرفووووووو ؟؟ .. ياخ البرنس .. !! ماااااااا قلب .. !!

اها جايينا متين ؟؟

جماعتك راجينك كلهم لابدين .. جرجيركم دا داير ليهو رش خليهو ينعنش شوية ..!!

ياودالبله اركب لوريك وحصلنا سرييييييع .. تلقانا قررررربنا لى ام قلــــــــــــــــــــــــــــــــــــــة ..!!

التحية لك حبيبنا وليد
وانت تتفقد كيبورد او كيبات بلغة عصرية
او دعنى استعر كلمة قلم
ود البلة قلم ذو عدسة ثاقبة تحيل المفردة
او الحروف الى صورة حسية
هو الان مشاهدا للدورى الهداوى
وتجده متخذا ركنا قصيا وحوله الاحباب
يستمتعون بمشاهدة المباريات وردود وتعليقات
ود البله .
وكلنا نتمناه بيننا ناقلا لنا فعاليات دورى الهدى
بقلمه ذو العدسة الثاقبة.

ياعوض

هل غادر ودالبلة السعودية من متردم ؟؟

ام هل عرف الهدى بعد توهـــــــــم ..؟؟

والله جميل ان نسمع اخباره والاجمل انه فى حضن الاهل بالهدى ..

بلغوه منا السلام والمحبه .. ولا تنسى الرقع ..!!

سلامك موصول
وسؤالك له مدلول
يا صاحب الحرف المصقول
هههههههههههه
القافية جاية معاها
حاجة كدا مسطول
ولكنا نخشىا ان نقول

عوض خيارى كتب:

سلامك موصول
وسؤالك له مدلول
يا صاحب الحرف المصقول
هههههههههههه
القافية جاية معاها
حاجة كدا مسطول
ولكنا نخشىا ان نقول

ههههههههههه

تصدقنا لك بعدد واحد فول

فى قصة تسمى الذهاب :

مصطفى البله على كتب:

كان يا ياماكن فى سالف العصر والاوان كنا فى قريتنا الجميلةالتى تحتضنها ترعتين والكنار من امامها والمصرف من خلفها والقمر يداعب الافق كنا فى لحظات من السمرنتجازب اطراف الحديث همسا ولا يشق سكون ذلك الليل الا صريروصراخ جندب يناجى ليلاه بالوصل وهن يتغنجن ويتدللن اى الجندبات ويتمنعن كيتن لذلك الجندب الاونطجى بتاع التلات جندبات واطياف من البعوض ابناء الانوفليس نساءا ورجالا والكيولكس وصويحباتها يلسع كأن يمازحنا وليس مثل باعوض هذا الزمان التقول الواحدة ضارباها غبينة من ابن ادم وصرنا ننكرش هنا وننحك هناك وتهرش فى اماكن نائية وياتيك صوت حمارا اجش يذكر صاحبه ان لا ينسا ميعاد العليقة وكريت تستمرأ الحك على حيطة قصيرة كأنها مكواة فحم وجرقاس يأتىمسرعا وفى فمه عظما فاهمايجرى به الى حيث السكينة والهدوء ويشق ذلك الصمت صوت صبية يتصايحون بصوت كورالى يا ناس الحلة يا اهل الله بكرة ذهاب البلة ود نور الله الحاضر يكلم الغائب حتى سعد الاطرش عرف وتفرق شملنا واحدهم يقول يا ليت اوتينا مثل ما اوتية البله ويكأن البله اجتهد وزرع شطة وانتجت ذهبا وانتم قعاد الضللة كسر مخاريقكم وفى الصباح ومع شروق الشمس والقرية هادئة الا من اصوات غنمايات تدغى من بعيد وجدادات وسوسيوات ويتزعمهن ديكا الى اطراف البلدة حيث وفرة الطعام الصباحى اللزيز الحار من نارو : وجاء موسى عبد الغفار ب لورى داوودى ابو اربعة ولا اقول ذو دفع رباعى ولكن ذو دفرنش كبير يزمجر ويرعد ويزبد ويثير غبار ودخانا مخلوط ببدرة الزبالة دااااانق دددددااااانق برببببب وموسى متحكر فى التندة ويصيح يلا اه ناس قبل الشمس ما تفقع وماهى الا هنيهة وتشعبط الناس فى السيخ والنسوان لزمن الجابرة عبدالله وفرج الله وجاه الله وخلف الله وفضل المرجى وفضل الكريم واولاد اديبس والنسوان العازة ومدينة قرية وحلة ودار السلام ودار الخلود ودار الجلال ودار الاذاعة وعطمنو والعز وبمبر الامام وتحرك اللورى ينهب الارض نهبا هيهات لا جن ولا سحرة ويزمجر كانه الرعد والدخان عكنابة والعجاج عاصفة استوائية ريح احمر كفت القناطر شبال والترع رمشة عين وشجر الكنار تشوفو قدر ام ركيبات واقترب من 65 وموسى يغير فى التعاشيق كربربربرببربربكربكاربرررب وهو منتشى لهذا الصوت الشجى واقترب من المحطة رويدا ويكابس فى الكلتش زى الضارباه عقرب خريف سيكسيك سككككككككك اتاريه فرملة التكتح اخربو خراب توقف بعد ملاواة شديدة وطار الناس من السيخ واتجهوا الى طهر الكنار كانهم شاربين قربا وسعونا من الماء جلسوا متباعدن ينظروا الى الارض زى الواحد مودر ابرة مش عارف عشان حاجات تانية حاميانى يتبع: الذهاب هو تحضير لوازم العرس والى الحلقة القادمة

وايضاً تجلى ابداعه فى هذه الحكوة :

مصطفى البله على كتب:

فى بواكير الصباء وكنت شابا يافعا فى الاجازة المدرسية اذهب الى اهلى فى العوامرة (عوامرة المناقل)وكلهم ناسى واحبتى وكلهم اخوالى كنت اجد متعة ما بعدها متعة معهم واعتبرهم اظرف ناس ناس صافية مثل الحليب وكنت مسكينا لا اتكلم كثيرا وكان اول يو ذهبت مع اخوالى الشباب بعد عمل يومى شاق فى الزراعة زهبنا الى اطراف البلد حيث هنالك انداية الحاجة ام قلة وهى انداية فسيحة عامرة باهلها وكانت التمبارة فى تلك الايام الخوالى شرابا للعوام والخواص وهى غذاء للروح والبدن وتهيج فى شاربها الحنين والشوق الى اى حاجة وتطلق العقيرة بالغناء والطرب ‘ وجلسنا مجموعة كبيرة داخل قطية رحبة وفسيحة وماهى الا برهة قليلة واتت ام قلة بصفيحة لها خوار ترعد وتزبد وتقول بق بق بق بق بق بق بق بق البقة فى طنب البقة وتعالت اصوات المديح لام قلة وانتاجها البديع وتتفوق على ام سكاسك ومريومة ام فلجة ودارت القرعة وسط السمار وكل واحد يقطع قرعته ومعها تنهيدة عميقة وزفرة بتشعل الانفاس من حلاوت هذا الخليط السحرى اللذيذ العجيب وكنت منزويا فى ركن قصى لا اتكلم من فرط الحياة ولم اجرب هذا الخليط فى حياتى وصاحاحدهم ود اختى ما تنسوه واحد قال لا ده ابوه انصارى وانبرى احدهم يحمل القرعة وهى تقطر واتانى بها حرم اااه ود اختى اكان تشرب وبعد ممانعة وخذ ورد مسكت القرعة وتزوقت طعمها المر اللازع وكانها قد عصرت فيها كل حوامض الدنيا وشربتها بالتقطيع وماهى الا دقايق واتى على ود فرج الله بصينية ملأ بصلا وشطتن حمراء كانها رؤس الشياطيناو بالاصح مثل ماء النار وتعطى كاسا ومعها بضعة بصلات مشطشطات وقرعة اثرها قرعة وحين ذاك تهللت اساريرى وارتجت دواخلى وصار النضمى يخرج رويدا رويدا وقلت لهم بصوت جهير يعادل كم ديسيبل مش عارفany body speak english you silly bad people وصاح احدهم امك حرم الليلة قوية الجنى ما انقلب خواجة الله يجازى محنك يا ام قلة ما كان تغبشيها شوية ولا خايفة من حساب رب العالمين يدخلك النار وقلت لهم ب صوت قوى انتو ناس عطالة البلد محتاجة للانتاج والعمل من اجل رفعة البلد وانت قاعدين كيمان كيمان وتشربوا فى المريسة ورد على ود ابزنقر اجنا نحن هسع جاين من الخلاء حرم الانتاج الجبتو السنة فى البصل خالك ابكيس ده من عرس خالتك التهجة ما جاب زيو ياناس انتو عديمين شغلة واذا بى لاضع حدا العبث والعطالة واذا بسفنجتى تخرج من كراعى وهويت بها الى اعماق الصفيحة وعامت وطفحت وساد هرج ومرج واختلط الحابل بالنابل وخالى فتاح وخالى ادريس فرنقو وخالى عبد الله وجاه الله ورزق الله وهلالا كان على رؤسهم الطير صبط فيهم مطرة لما اتى به ابن اختهم باساءته للنعمة الحمراء والى القاء فى الحلقة القادمة

وفى رائعتة الجملية :

بيت البكا :

مصطفى البله على كتب:

فى الماضى البعيد عندما يتوفى احد الى رحمة مولاه
كان الناس يتشاورون فى وسيلة ايصال الخبر الخبر الى
القرى والحواكير والنجوع
يصيح حاج البله بصوت اجش امشى ياولد شوف شوف
حمار عمك ادريس ودعجوبة وسرجو كويس واركب الى ناس ام وزين
والركيبة والحدبة وكلم الناس وبسرعة قبل البرود
ويصيح حاج النور يا ناس شوفو واحد بعرف يكتب جواب لى ناس الربع
وناس العزازة ويوريهم بخبر موت نخل البقيع بت ابكرو ويصيح اخر بكرة السوق والحمير بتجى ادوهم الجواب بسراع يشلو الخبر
وهنالك رجة ودكنابة ونقاش مستفيض ندفنها فى مقابر ابو كوع
ولا مقابر القوز
اه ناس انتو الله مو ليكم مقابر القوز قوز ابنبق ابوها راقد هناك
بطلو اللقلقة
ياحاج ادريس المشا يجيب الحنوط منو البرود اه ناس
مشا حماد ابزرد ل دكان عبد الخير
يجيبو طلق
..........
اما تلقى الاخبار وخصوصا الوفيات
ف
اتى خبر وفاة مع حمير السوق
قريبا للماحى ود بت المنى
كل الحلة قررت بكرة السفر الى قوز ابنبق
ب لورى خير السيد اب فلجة
وفى صباح باكر بعد صلاة الفجر
تجمع الناس حول لورى خير السيد الداوودى
الذى يتوسط دكة البقر ومربط حمير خير السيد
ويصيح حاج رزق الله يا خير السيد ياخوى قوم
ويتسال هو خير السيد بايت مع منو من نسوانه
يأتيه الرد البارح انا شفتو بيتوبه
على على بيت العازة بت حمدين
وزهبو وتجمهرو حول المنزل وسمع خير السيد الرجة
رمى التوب جانبا ودرع العراقى الدوريا والجلابية سكروتا
جلابية العيد ولفة العمة الساكوبيس
وتوجه الى الدنده واتى المساعدى بالمنفلة ويرازى ويحرك
وكان اول الغيث دخانا اسودا جفل البقر وشوش على الحمير
واخيرا زمجر وارعد وزبد
وصار يغلى ويهتز وكل حديدة تتلخلخ براها
وركب الناس وتوكلو على الحى الجليل وكانت الدنيا
قرة شديدةالنساء لزمن الجابرة وتكومن على على بعض عسى ان يشعرن بالدفىء
من القرة الشديدة
وركب الرجال على السيخ زارفات ووحدانا
وصار الداوودى ينهب الارض نهبا
هيهات لا جن ولا سحرة
نزل المساعدى لكشكشة الناس لانه احتمال بعضهم يتخلف
فى بيت البكا المهم المساعد طقطهم جنيه جنيه
الماعندو جنيه وعد بكم كيلة عيش للدرت
كلهم تتطقطقو الا حاج السرة اخرجت من مفحضتها اربع
ريال وصار المساعد يهرج ورفض ان ياخز منها الاربع ريال
وخبط على الضهرية دز دز دز دز
وخيرالسيد تخيل ان احدهم وقع
كبس الفرملة سيك سيك لم يتوقف الى مقدار جدعتين اواكثر
ياناس فى شنو؟
فقال له المساعدى حاج السرة قالت ماعندها الا اربع ريال
فقز الحاج خير السيد الى السيخ رجل فى اول سيخة واخرى فى اخر سيخة
وصار يتكلم ياحاجة السرة الجاز عارفاه بكم والزيت بكم
علبة الشحم بكم اربعة ريالك دى بتوديك وين؟
وكل النساء متكرفسات من البرد لاينظرن الى الاعلى
والرجال على السيخ
فازا بحاج السرة ترفع راسها اليهوهو متشعبط على السيخ
وهالها مارأت من منظر جلل رأت كارثة رأت اماكن يستعصى النظر اليها من خير السيد وبسرعة فتحت محفظتها واخرجت
جنيه ابو جمل يضبح وقالت له بصوت خافت
هاك اريتك ثشرى بيه سروال يسترك ؟؟؟؟؟؟؟؟؟؟؟؟؟؟؟؟؟؟
لم يتسلم الجنية وتلب الى الارض يستر سؤاته لايلوى على شىء كأنه لدغ من جحر..
سوى الستر اتاريه نسى ال............................

ارايتم اخوتى هذا الابداع ..

وهذه التلقائية القصصية الجميلة والمشوقة والتى قل ماتجدها حتى فى سيناريوهات جهابذة الدراميين .. !!

وارأيتم لماذا يصطف الشعب منادياً وملوحاً بعودة ودالبله .. !!

وليد عدت انت والعود احمد سيعود ودالبله ان شاء الله ومصيرو يرحع لاهلو وصحابو وانسي الامو وشجونو

عزالدين حسن محمد كتب:

وليد عدت انت والعود احمد سيعود ودالبله ان شاء الله ومصيرو يرحع لاهلو وصحابو وانسي الامو وشجونو

تسلم يا ابو العـــــــــــــــــــــــــــــــــــــــــــــــــــــــــــز

فى انتظار ظهور كتاحة وعكلابة هنااااااااااك .. بعدها طواااالى ودالبلة لابس شبط .. !!

ودألبله كان بهناك ودالبله نحن معاك
ودالبله كان ..... ودالبله قام جاري

يا عز :

مراسلنا عوض الله افاد بمكان ودالبلة .. !!

وقال حايجيبو معاه .. باذن الله .. !! ويلا نصفق لى عوض الله .. عشان جاب ودالبله ..!!

طبعا قبل فتره اتصلت عليهو بالاسكاي بحضر في كوره ومعاهو حسن قنوبه طبعا في ميدان الهدي ياوليد ماكلمتك ودالبله مؤذن مسجد في الرياض يقولون ان صوته رخيم

امر ود البله متوقف على عوض الله
قال الا اجيهو عوض الله فى البيت
اشان اظبط ليهو الكمبيوتر بتاعو
مش عارف ايه عندو كديسة
مش راضى اشتغل
وعوض الله وعدو قال ليه حاجيك
الله استر عوض الله مع ود البله

الليلة لاقيييييييتو .
مش الاغنية بتاعت الكاشف
لاقيت ود البله وكلمتو فيس تو فيس مش فيس بوك
ووريتو المظاهرات المعمولة فى المنتدى تطالب
بعودته . ووعد انه عائداُ ومعه ..............

عزالدين حسن محمد كتب:

طبعا قبل فتره اتصلت عليهو بالاسكاي بحضر في كوره ومعاهو حسن قنوبه طبعا في ميدان الهدي ياوليد ماكلمتك ودالبله مؤذن مسجد في الرياض يقولون ان صوته رخيم

ياعز نحييك ومعك ودالبلة والعم حسن قنوبة .. وكان الله شاقاك تحضر كورة معاه ويكون معصور .. !!

له منا كل الود ..

اما اخونا ودالبله لازم صوتو يكون جمييييل ماشبعاااان شطة وطماطم وحاجات تانية ...................... !!

لكن والله يا عزو لو حاول كدا يستعرض عضلاتو الصوتيه دى فى جامع البدرى ........... الله يستر .. !!

عوض خيارى كتب:

امر ود البله متوقف على عوض الله
قال الا اجيهو عوض الله فى البيت
اشان اظبط ليهو الكمبيوتر بتاعو
مش عارف ايه عندو كديسة
مش راضى اشتغل
وعوض الله وعدو قال ليه حاجيك
الله استر عوض الله مع ود البله

ياعوض الله ياخ اخطف رجلك ليهو دقيقتين .. فرمت وسطب .. وانتهى الموضوع .. !!

ولا داير يقروا ليك والعصر .. ؟؟ معندك مشكلة بجيهك تب .. !!

عوض خيارى كتب:

الليلة لاقيييييييتو .
مش الاغنية بتاعت الكاشف
لاقيت ود البله وكلمتو فيس تو فيس مش فيس بوك
ووريتو المظاهرات المعمولة فى المنتدى تطالب
بعودته . ووعد انه عائداُ ومعه ..............

والله بركة اللاقيتو .. وملأ السرور ..

وسلمت عليه فيس تو فيس ..!! لكن نحن دايرين نسلم عليهو منتدى تو منتدى .. !!

نعم الوعد .. انه عائد ومعه ................................................بصلة .. !!

يا عوض الله ودالبله بشتري اللاب توب من الحراجات من الدلالات امكن

ياوليد اعملو ليهو امر قبض وهو بحضر في كوره

عزالدين حسن محمد كتب:

ياوليد اعملو ليهو امر قبض وهو بحضر في كوره

ياعزو مساء الخيرات  .. !!

اخونا دا داير ليهو كمين عدييييييييييييييييييييييل كدا .. !!

لكن بجى .. !!

جابت ليها امر قبض
كان ما الوقت متاخر كان مشيت ليهو اسى
لانو الشغلة دى بتجرجرنى معاهو

نحييك يا عوض على تلبية النداء واصلاح حال كمبيوتر ودالبله بانتيوم ( -1 ) .. !!

قلت لي حاسوب ودالبلة دا .. بدور بى منفلــــــــة ..؟؟ ولا تختو فى العالى .. !!

لكن برضو كويس .. اهم حاجة يجينا هنا .. انشاء الله بى كمبيوتر داوودى .. !!

الاخ وليد التلب
ود البله اليومين دي بالعصر مالي لينا الفراغ
دوري ود الشم شغال يجيب بنبرو وقاعد للنكات
والضحك والكوره مع منو ما عارف تلقي السايد كلو منتبه معهو .
خلو شويه معانا انت قايلو وصيفابي النقاط ما شفقان عليها ضامنا

محمد الطيب ابراهيم كتب:

الاخ وليد التلب
ود البله اليومين دي بالعصر مالي لينا الفراغ
دوري ود الشم شغال يجيب بنبرو وقاعد للنكات
والضحك والكوره مع منو ما عارف تلقي السايد كلو منتبه معهو .
 خلو شويه معانا انت قايلو وصيفابي النقاط ما شفقان عليها ضامنا

نعم ودالبله من الظرفاء والذين يجدر الالتفاف حولهم ..

ياخ نحن عايزنك تقنعو يجينا هنا بى بنبرو يملأ الفراغ الذى تركه بالمنتدى .. !!

وليتك تحدثنا بالقلم والكاميرا عن الدورى بالهدى ( دورى ود الشم ) ..

نقاط المطرة .. ؟؟

وليد التلب كتب:

نحييك يا عوض على تلبية النداء واصلاح حال كمبيوتر ودالبله بانتيوم ( -1 ) .. !!

قلت لي حاسوب ودالبلة دا .. بدور بى منفلــــــــة ..؟؟ ولا تختو فى العالى .. !!

لكن برضو كويس .. اهم حاجة يجينا هنا .. انشاء الله بى كمبيوتر داوودى .. !!

ههههه
ياهو كلامك
منفلة
وبعد العالي دايرلو دفرة

دووري ود الشم راح في خبر كان
كل فريق ينهزم هاك يا شكاوي
واتحاد ودالشم يعمل بالعاطفه وليس القانون

عاطفة وحنان ياناس
يا حبيب
الشئ الايجابى انو
احيا الهدى كلها
ما اجمل ان تجد كل اهل الهدى
مجتمعين فى الميدان الكبير
الذى يشهد مثل هذه الجموع الكبيرة
منذ اعوام
وحتى اننا خيشنا ان يوزع اكشاك

مرحب .. مرحب ... بودالبلـــــــــــــــــــــــــــــــة

الجاكم ميييييييين ... ودالبلــــــــــــــــــــــــــــــــــــة

الزاركم مييييييين .... ودالبلــــــــــــــــــــــــــــــــــة

جانب من الاحتفالية التلقائية

بعودة ودالبلة ......

[ندعوك للتسجيل في المنتدى أو التعريف بنفسك لمعاينة هذه الصورة]

عوض خيارى كتب:

عاطفة وحنان ياناس
يا حبيب
الشئ الايجابى انو
احيا الهدى كلها
ما اجمل ان تجد كل اهل الهدى
مجتمعين فى الميدان الكبير
الذى يشهد مثل هذه الجموع الكبيرة
منذ اعوام
وحتى اننا خيشنا ان يوزع اكشاك

ياعوض الله .. سلامات ..

انت احسب معاى كدا قول اتنين .. !!

انشاء الله كلهم بجو .. بس انت ساعدنا بالموية الباردة ..

مويه بارده ياوليد ويين في الخريف دا شوفوا صينيه وكبوا عليها مويه وانتظروها تبرد

عزالدين حسن محمد كتب:

مويه بارده ياوليد ويين في الخريف دا شوفوا صينيه وكبوا عليها مويه وانتظروها تبرد

الموية الباردة يا عز .. لزوم رمضان والجرسة وكدا .. !!
لكن لو على الصينية مجهزنها تب من هسى .. مجهزين صينية وفلبينية ويابانية .. !! ماتفهمونى غلط
ديل نوع من انواع الصوانى ..

وريتونا لكن

نشكر الاخ وليد على الشعور الطيب
والاخ عوض الله اكان ما حرست فى البيت ما جاء معاىالمهم ظبتهم الجهازين
وواحد جنيه مواصلة يومى والنت هنا التقول مربط ب دلاقين
يقطع ويرجع

عزالدين حسن محمد كتب:

وريتونا لكن

معلومة مفيدة .. مش كدا .. !!

ههههههههههههههههه

مصطفى البله على كتب:

نشكر الاخ وليد على الشعور الطيب
والاخ عوض الله اكان ما حرست فى البيت ما جاء معاىالمهم ظبتهم الجهازين
وواحد جنيه مواصلة يومى  والنت هنا التقول مربط ب دلاقين
يقطع ويرجع  

نحييك يا مصطفى ونشكر لك التلبية العجلى واصلاح الكمبيوتر الداوودى .. هو طبعاً بوصلك .. لكن بغبرك .. !!
سعيدين برجوعك ..
وعوض دا لوماعملت حسابك منو .. زى السباك .. شغلو كلو فى المواسير ..

مصطفى البله على كتب:

نشكر الاخ وليد على الشعور الطيب
والاخ عوض الله اكان ما حرست فى البيت ما جاء معاىالمهم ظبتهم الجهازين
وواحد جنيه مواصلة يومى  والنت هنا التقول مربط ب دلاقين
يقطع ويرجع  

ايوا خلينا فى المهم اشان ناس وليد اتكفلوا باتعاب الصيانة
وانت نسيت الوصلة دى الوصلة اهم من التصليح
لانو الوصلة وصلتك للاحباب هنا
وان شاء الله دائما متصل ومواصل

وعوض دا لوماعملت حسابك منو .. زى السباك .. شغلو كلو فى المواسير ..
هى ياوليد
دى قولة كتر خيرك
الزول ما فضل الا اعمل ليهو الخدمة
بتاعت الشهر
لكن ما خسارة نخلص منو مساهمات
ومواضيع