#خيال علمي#
الحلقه الاولي
التوقيت تمام الساعه الرابعه عصرا
المكان جمهورية السودان الفيدراليه الديموقراطيه العظمي
ترررن ترررن رن
ترن رررن
تررن
-ها ياراجل تلفونك ده من قبييل بضرب شوفو منو
خليني هسي عليك الله ياوليه جاي يادوووب من الشغل
داير اخد لي راحه وراجع تاني
-طيب خليتك تلفوني ولا تلفونك
ترن ترن تتتتتترن ترنننن
-الووووو
-اوووووو شيخ حسن ازيك ياخ والله ليك وحشه شديده
وينك انت ياحاج لي كم يوم ماشايفك في جلسات مجلس الوزراء
-تقول شنو ياريس بس والله جاري من مؤتمر لمؤتمر يادوووب جيت امس من لندن
-ربك يعين والله الف حمدا لله علي السلامه نشر الدعوة شئ ماساهل ياشيخ والله
-كدي عشان ماتنسيني سمعت بخبر مناوي ده
-خبر شنوووووو والله يادوب جاي من القصر مافي زول قال لي حاجه
-ياخ قالو عمل ليهو حادث حركة في طريق الجنينه الفاشر ضربو لي ناس المستشفي قبل شويه شكلو كده لقو اخر مكالمه واتصلو علئ
-ياسلاإاإاإاإام ماعندي عليم والله لكن محتاج ليهو زيارة ضروري ياخ
مناوي ده اخ فاضل وكرييم .
لكن مابقدر اسيب الشغل هسي والله خليها بكرة الجمعه اصلا اجازة نمشي عليهو
-خلاص فكرة حلوة ياريس عليييك الله ماتفوتني عربتي قاطعه بنزين ليها تلاته يوم والله
-ابشر والله بكرة الصباح نتحرك خليك جاهز
كلم معاك عبد الواحد عليك الله شايفو في الخرطوم الايامات دي لو عاوز يمشي معانا
-ماعندو مشكله اصلا ده اذا ماكان سافر الليله ديل اصحاب من بدري ياخ
-خلاص ياريس اتفقنا لبكرة طيب مع السلامه وخلي بالك من روحك ياريسنا
#############
الوو اكلم الميرغني لو سمحت
اقول ليهو منو
قولي ليهو الصادق المهدي
بعد لحظات
قال ليك برجع ليك في تلفونك هو مشغول هسي
خلاص اووكي قولي ليهو ماتنسي بس
ترن ترن ترن ترن
اهليييييين بسيد المراغنه ليك وحشه ياراجل
-بالاكتر والله معليش كنت في اجتماع مع قيادات الحزب ماقدرت ارد عليك
-ولا يهمك ياراجل كنت عاوزك في موضوع بسيط كده
-انشاء خير بس اتفضل
-عاوز لي 500 جنيه لحدي نهاية الشهر برجعا ليك الود طالبوهو برسوم الامتحانات والبت عندها قسط الجامعه مادفعتو واخوك والله الشهر ده مفلس للاخر
-العفو يا الصادق ياخ ماتقول كده
خلاص بنجيكم زياره شاي مغرب لانو شائف المدام زاتا قالت طولت من مدامكم
وبجيب ليك معاي القروش ابشر تب
-تسلم والله مابتقصر معليش الدنيا اخر شهر وعارفك بتكون محتاج ليها
-ولا يهمك ياملك لبعدين يلا باي
#####################
اووووووو ايه الزيارة المفاجئيه دي
-والله جيت اشيل لي حاجات من الخرطوم للولايه بتاعتنا وقلت اغشاك
-مابتقصر والله ده نحن المقصرين معاك
-اها اخبارك شنو انت وعامل كيف مع شغل الحكومة
-والله صعب شديد وكمان الريس الايام دي متشدد معانا لدرجه
-مالو انشاء الله خير ماتكونو ضايقتو في حاجه بس
-لا والله بس شكلو علي الحاج جاب لينا الهوا
-كييييف
-طلع في نص الدوام مشي البيت وشكلو غشي البت الصغيرة في المدرسه وساقا معاهو
-والريس سمع بالخبر ده?
-بتفوت عليهو اجة هو
والله اظن قبل مايصل علي الحاج البيت خصمو منو مرتب شهر وبقي الحضور والانصراف بالبصمة ههههههخخهههههه
--الله يعينكم والله بس تستاهلو عشان تاني ماتزوغو في نص الدوام
انت عارف دي نفس الحركة العملا لينا كبر في الولاية هناك
-خصم منكم ولا شنو
-اريتوووو والله لقي الحلو عامل ليهو عربيه خاصه للاولاد بالدس
يازول تعال شوووف
الولايه دي وقفا بفد كراع
-عمل شنو
--سحب كل العربات الحكوميه وختاها في حوش الولايه وقال تمشو بالمواصلات لمدة شهر
-ههههههههههههههههههههههه تستاهلو لكن ياعبد الواحد
-اها ياشيخ علئ زمني كبس مفروض القابل الريس اشيل منو شيك دعم طريق الانقاذ الغربي
ابقي نشوووووفك اها
باي
يتبع
موضوع: #خيال علمي# ح1 
الجمعة 4 أبريل 2014 - 12:36
