أخبار سوق الهدى
طرائف سوق الهدى
السياسة فى سوق الهدى
مبيعات سوق الهدى
كل ما يحصل فى السوق
اى اضافات تتعلق بهذا الجمع من يوم الاثنين والخميس
عايزنها هنا

اللحمة فى سوق الهدى اغلى من القاهرة والماجى سيد الموقف وبرتكان ابو الهول مالى السوق والفواكه ارخص من الخضاروشوال البصل ب-15 جنيه واى معلومة عن الاسعار تجدها

لسة بناكل فى لحمة السماية .. لولا السماية مقاطعينها فى مصر
لكن بجد بى كم فى الهدى أكيد أرخص من الخرطوم يا بختكم
سعيد جدا بك يا أستاذ الزاكى ونتمنى ان نمشى خلفك من خلال هذا الصرح معا من اجل الهدى
والسوق امبارح كان كيف ؟

ستات الشاي أصبحن أكثر من الزباين في سوق الهدى

والله صح السوق اصلا عملوه ليه مش لخدمة المواطن ؟؟؟ المفروض يكون فاتح كل يوم ... مش اثنين وخميس بس...!!!

الأحباء ود الياس والدكتورة
شكرا لدخول سوق الهدى واضافة نقطة مهمة
ولكن دعونا نتفاكر
ما الذى يجعل السوق يومى اولا ؟
أعتقد فى رائى تنمية المجتمع وتنمية المدينة والتوسع فى الخدمات من اهم أسباب اقبال الناس على المدينة وكترة الحركة تجعل من السوق دائم ويومى

السلام عليك
الاخ صديق الماحى مح الله ذنوبكم
شكرا للفت الانظار لهذة الظاهرة
الكلام الشباب المكسرين لكباية الشاى الب10000 الف بالقديم
مع حبى

احمد الصافى كتب:

السلام عليك
الاخ صديق الماحى مح الله ذنوبكم
شكرا للفت الانظار لهذة الظاهرة
الكلام الشباب المكسرين لكباية الشاى الب10000 الف
مع حبى

مرحب بك احمد الصافى
فى البيت الكباية بى كم .. والقروش دى بتجيب كم كباية شاى ؟؟
انت عارف الزول لو مافكر كويس يلقى نفسه دقس واتلحس

اجمل مافي سوق الهدي شاي الميسي(عمر حسن البله) وفتة ودامام وسوق المواسير تركب موبايل ماسورة لامن تطش شبكة

السوق به قوة شرائية كبيرة..ولكنها عشوائية
ايضا هناك عدم تنظيم للباعة غير المستقرين
صعوبة الحركة..وخاصة فى المناسبات
الرقابة ضعيفة على المبيعات
من الماكولات والمشروبات
واللحوم والفواكه..
اخطر ما بالسوق ظاهرة بائعات
الكسرة والشاى والقهوة
هذا مجتمع مغلق..ودائرة..شائكة..
وتحتاج الى ضبط من المجتمع اولا
قبل الضبط من الجهات الرسمية
هناك كثير من الافرازات السالبة
وكثير من الهوى والكتاحات والعجاج
الجاى من الاكشاك..
نحتاج الى منابر المساجد
والى المعلمين فى المدارس
والى المستنيرين فى المناسبات العامة
ونحتاج الى الحكماء من الطلاب والشباب
لمحاربة ما تجره علينا الاكشاك
ان ما يصرفه الفرد.على نفسه
يمكن ان يصرف اقل منه على
كل الاسرة..
تخريمة
هناك من بائعات الكسرة والشاى
اصبحن من ذوات الاملاك
من اكشاك ودكاكين
ومرابيع..وانا شاهدت واحدة
كانت بتشترى العيش والفول
وبتشحن اللورى عديل كده
وبتوديه الخرطوم
نسال الله ان يعافى الهدى
من الخبائث ما ظهر منها وما بطن
الهدى الكان اجدادنا
لما يلقوا عقب سجارة او تمباك
مرمى على الارض
كانوا بشيلوها بالكوريك
وبحفروليها بعيد الحلة
وبدفنوها..ده لما الهدى كانت
بالفعل هدى
اللهم اهدنا سواء السبيل

اتخيلي الصوره تكون اجمل اذا وجدت رايكم شنو ?مرات الفوتغراف ابلغ من مقاله السوق رغم محنو ومصايبو والظواهر السلبية الكتيره الفيهو لكن حنين لامي ألمساكين والتماسيح وظرفاء الونسات والقعدات ومن هنا تجي المفارقات واللطائف

السوق مرة الحاج محمداحمد بدل فيهو حمار بي شوال عجور

السوق مرة الحاج محمداحمد بدل فيهو حمار بي شوال عجور

رافع خالد كتب:

اجمل مافي سوق الهدي شاي الميسي(عمر حسن البله) وفتة ودامام وسوق المواسير تركب موبايل ماسورة لامن تطش شبكة

رافع connect
كيفك وأخبارك ورائك شنو فى الاسم الجديد حاول ازعل منو عشان ما تعرف تتخلص منه
سوق المواسير أختاه بالمرة الجماعة فى غرب السودان دخلهم السجن

زيادة عبد الباقى كتب:

السوق به قوة شرائية كبيرة..ولكنها عشوائية
ايضا هناك عدم تنظيم للباعة غير المستقرين
صعوبة الحركة..وخاصة فى المناسبات
الرقابة ضعيفة على المبيعات
من الماكولات والمشروبات
واللحوم والفواكه..
اخطر ما بالسوق ظاهرة بائعات
الكسرة والشاى والقهوة
هذا مجتمع مغلق..ودائرة..شائكة..
وتحتاج الى ضبط من المجتمع اولا
قبل الضبط من الجهات الرسمية
هناك كثير من الافرازات السالبة
وكثير من الهوى والكتاحات والعجاج
الجاى من الاكشاك..
نحتاج الى منابر المساجد
والى المعلمين فى المدارس
والى المستنيرين فى المناسبات العامة
ونحتاج الى الحكماء من الطلاب والشباب
لمحاربة ما تجره علينا الاكشاك
ان ما يصرفه الفرد.على نفسه
يمكن ان يصرف اقل منه على
كل الاسرة..
تخريمة
هناك من بائعات الكسرة والشاى
اصبحن من ذوات الاملاك
من اكشاك ودكاكين
ومرابيع..وانا شاهدت واحدة
كانت بتشترى العيش والفول
وبتشحن اللورى عديل كده
وبتوديه الخرطوم
نسال الله ان يعافى الهدى
من الخبائث ما ظهر منها وما بطن
الهدى الكان اجدادنا
لما يلقوا عقب سجارة او تمباك
مرمى على الارض
كانوا بشيلوها بالكوريك
وبحفروليها بعيد الحلة
وبدفنوها..ده لما الهدى كانت
بالفعل هدى
اللهم اهدنا سواء السبيل

أبو محمد يديك العافية
كلام عقل وملاحظات غاية فى الأهمية
بالنسبة للبائعات هل هم من الهدى ؟
اذا كن من الهدى فلابأس من العمل وزيادة الدخل
بس الخوف ان ياتين من الخارج وينقلن عادات وسلوك سئ

كباشى خيارى كتب:

اتخيلي الصوره تكون اجمل اذا وجدت رايكم شنو ?مرات الفوتغراف ابلغ من مقاله السوق رغم محنو ومصايبو والظواهر السلبية الكتيره الفيهو لكن حنين لامي ألمساكين والتماسيح وظرفاء الونسات والقعدات ومن هنا تجي المفارقات واللطائف

سعادة المامور وسيف الضرائب
أهلا بك فى سوق الهدى ونتمنى ان لا ترهقنا بالضرائب الباهظة
السوق لامى والونسة بالاضافة الى انه مصدر رزق اساسى لكثير من البيوت فى الهدى

عوض خيارى كتب:

السوق مرة الحاج محمداحمد بدل فيهو حمار بي شوال عجور

والحمار كان رايه شنو ؟؟
لو كنت الحمار كنت .............. و.............

ابو وحيد .. متعك الله بالصحه والعافيه
هنالك نقطه مهمة وهى الضرائب فى سوق الهدى
اصبحت هاجس عجيب .. بتاع الترحيل( الكارو)
يدفع فى الضرائب .. مافى دخل وناس الضرائب
حائمه .. حاجه عجيبه !!!!

بصراحه السوق عاوز جهودكم وخاصه الجزاره الله لا يوريكم
كيف شكلها من النظافه والزباب الحائم يتقدل

في خلط كبير جدا في مفهوم الناس للضرائب من الجبايات الاخرى في حاجة اسمها الوحدة الادارية اوضابط المجلس دا براه وفي مواطن بشتري السوق برسوم وده براه وفي ازدواج ضريبي بين هؤلاء والضحية محمد احمد وكل زول عندو فن وادب بي ادب لامة محمد احمد ودي نتابعا مع بعض في مسلسل تركي قادم كان الموت خلانا!

كباشى خيارى كتب:

في خلط كبير جدا في مفهوم الناس للضرائب من الجبايات الاخرى في حاجة اسمها الوحدة الادارية اوضابط المجلس دا براه وفي مواطن بشتري السوق برسوم وده براه وفي ازدواج ضريبي بين هؤلاء والضحية محمد احمد وكل زول عندو فن وادب بي ادب لامة محمد احمد ودي نتابعا مع بعض في مسلسل تركي قادم كان الموت خلانا!

نحن كوركنا ليك عشان الخلط دة وعايزنك تفهمنا بي رواقة ... والمسلسل التركى دة حاننتظره كتير ؟؟ من هسة ابدا فى مسلسلك وافرد بوست خاص عن الضرائب ولكم منا الشكر والتقدير

محمد احمد المسكين موجع يشكي لمين ماهوداري ؟ نبدا بالمحلية لانو دي قريبه من العين بعيده من القلب دي عندها رسم محلي للرخص والعوائد والقطعان (ضرايب البهايم) والتصديقات المحلية وتسمي الضرايب المباشره لانو عايدها مفروض يظهر مباشرة من المحلية للخدمات من صحة وتعليم وبيئة ومساجد وخلافو وهي فئات موضوعة بمناشير ولائية تزيد وتنقص حسب العلاقة بين الموظف ومحمداحمد

كباشى خيارى كتب:

وتسمي الضرايب المباشره لانو عايدها مفروض يظهر مباشرة من المحلية للخدمات من صحة وتعليم وبيئة ومساجد وخلافو وهي فئات موضوعة بمناشير ولائية تزيد وتنقص حسب العلاقة بين الموظف ومحمداحمد

تمام يا حبيب
طيب طالما قلت المفروض توجه الى كذا وكذا ..
هل المفروض دة معمول به ؟؟
وهل توجد متابعة دقبقة لكل قرش ويوجه الى مفروضه ولا بخلوها على حسب ؟؟
كنت اريدك ان تفرد بوستا خاصا لهذا الموضوع المهم وهو مجال عملك وتكلمنا عن كل صغيرة وكبيرة عنه .. وترد على اسئلتنا
وهذه مناشدة اتوجه بها لكل صاحب اختصاص فى الهدى ان يكلمنا عن اختصاصه ومدى فائدة اختصاصه للهدى ونظرته فى اوجه القصور وكيفية معالجة القصور

انتو فى دة ولا العيش البى الردة
وسخان وعدم ميزان
(ياحليل زمنك ياحاج الصافى)

احمد الصافى كتب:

انتو فى دة ولا العيش البى الردة
وسخان وعدم ميزان
(ياحليل زمنك ياحاج الصافى)

هؤلاء رجال قل ان تجد مثلهم وشالوا الهدى فى حدقات عيونهم لهم منا التحية والخجل فى حضرتهم .. شكرا احمد

كما كتبت مسرة من خلال سوق الهدى تم جمع تبرعات قاربت الخمسة ملايين أو تزيد
دة كلام جميل جدا وربنا يجعل هذا السوق عامر والسوق اثبت انه أرجل من بعض البشر

ود الماحى /حبابك0
والله موضوعك لمًا الناس0
والسوق كل ايام الاسبوع شغال 0
وبقى مصدر دخل ثابت وفتح بيوت0

التحية والشكر لسوق الهدى فى وقفته مع المدارس والسوق دائما ما بيقصر
السوق هو جز من حياتنا وفاتح بيوت كثير من الناس فدعونا لا ننظر اليه مجرد سوق جامد فهو كائن حي يحس بمعانات أهل الهدى
التحية لكل بائع ولكل مشترى ولكل زائر لهذا الصرح العملاق

صلاح الشيخ كتب:

ود الماحى /حبابك0
والله موضوعك لمًا الناس0
والسوق كل ايام الاسبوع شغال 0
وبقى مصدر دخل ثابت وفتح بيوت0

تداخلت المداخلات وتوافقنا فى الخواطر لم ارى مداخلتك ياصلوحة لكن كان توارد فى الخواطر وفعلا سوق الهدى كما قلت
شكرا صلاح وصباحك زى العسل

التحيه ليك ود الماحي
سوق الهدي الغد الواعد
فكلنا نحلم بي ناصيه جوار الناير هذا لو صدقت ذاكرتي
فسوق الهدي احد الرموز التي تكمل الصوره الحلوه
ارتفاع الاسعار .
الضرائب.
هذه متعلقات بالسوق العالمي فلابد ان ياخذ سوق الهدي نصيبه
بس الاهم ان تكون العوائد موظفه في المكان المناسب
لك التحيه والشوق

بلال مامون البشرى كتب:

التحيه ليك ود الماحي
سوق الهدي الغد الواعد
فكلنا نحلم بي ناصيه جوار الناير هذا لو صدقت ذاكرتي
فسوق الهدي احد الرموز التي تكمل الصوره الحلوه
ارتفاع الاسعار .
الضرائب.
هذه متعلقات بالسوق العالمي فلابد ان ياخذ سوق الهدي نصيبه
بس الاهم ان تكون العوائد موظفه في المكان المناسب
لك التحيه والشوق

الف مرحب بالأخ / بلال
السوق شع نورا بمروركم
عندك لينا شنو فى السوق ؟
نحن أشنرينا منك هذا الرأى السديد فى موضوع الضرائب والرجاء التنسيق مع مامورية الضرائب بقيادة استاذ كباشى
كل سوق وانت طيب

لك التحية ود الماحى وانت تفتح نوافز مشعة يخرج منها النور والنار
لكن هنا بعض الحقائق
1- ناس الهدى فى سوق الهدى قوى شرائية وليس بياع يعنى (كل التجار بقو من خارج المدينة) وياحليل السمانية الكانو سادين عينا
2- اولاد االهدى فى السوق الاغلبية عتالة وليس ملاك (ودى نسبة للفرص الضعيفة للتعليم وراس المال)
3- من الاشياء الغير مقبولة الطلاب كل الانظار من المدارس للسوق وليس للجامعة او الجامع
وفى هذة المساحة اتمنى من الجميع الاضافة ليس للتعليل ولكن لنعرف المشاكل ونعرف اين الحلول
ولكم الشكر

على احمد ابوشنب كتب:

لك التحية ود الماحى وانت تفتح نوافز مشعة يخرج منها النور والنار
لكن هنا بعض الحقائق
1- ناس الهدى فى سوق الهدى قوى شرائية وليس بياع يعنى (كل التجار بقو من خارج المدينة) وياحليل السمانية الكانو سادين عينا
2- اولاد االهدى فى السوق الاغلبية عتالة وليس ملاك (ودى نسبة للفرص الضعيفة للتعليم وراس المال)
3- من الاشياء الغير مقبولة الطلاب كل الانظار من المدارس للسوق وليس للجامعة او الجامع
وفى هذة المساحة اتمنى من الجميع الاضافة ليس للتعليل ولكن لنعرف المشاكل ونعرف اين الحلول
ولكم الشكر

ملاحظات فى غاية الأهمية والخطورة
واضم صوتى لك ونتمنى كل من لديه حلول ان يقترحها هنا
ولابد من الثورة من خلال المنتدى والموقع على كل شائن
ولابد ان نشرك اهلنا شيبا وشبابا فى ما يكتب هنا من مشاكل وناخد رأئهم حتى يتم التفاعل فى المشاكل والجميع يد واحدة من أجل الهدى وانسان الهدى
شكرا اخى على احمد ابو شنب

الاخوة الاعزاء
التحية للاخ علي ابو شنب الذي أيد ما ظللت اردده بان الهدى تعاني من غربة وفي كل المجالات ( غربة في القيادة غربة في التجار , غربة في موظفي المحلية , بلغت الاستهانة بالهدى عند موظفي المحلية بطرح الشارع الريئسي في سوق الهدى في مزاد وتوزيعه أكشاك - الشارع ممتد من الكبري الي موقع البوسته القديمة ويمر امام المستشفى وتم البيع فعلا ولكن عند تسليم الاكشاك تصدي نفر كريم من تجار الهدى لذلك وتم تبديل الموقع وظل الشارع كما هو - ولكن هل كل مره تسلم الجرة )- بالنسبة للسوق وهذا يعود لمستوي دخل الافرد في الهدى حيث الاغلبية من اهل الهدى يمتهنون الزراعة , السوق مفتوح لك من رغب من أبناء نلاحظ ضعف استثمارات ابناء الهدى المغتربين في السوق

تمام يا هيثم
أرصد لنا كل مخالفاتهم هنا
ونشكر النفر الكريم الذى تصدى لهم
ولابد من ان يحس كل من فى المحلية بوجود رقيب عليهم ينقدهم لو أخطأوا

الاخ صديق
نشكرك وانت تطرق ما يدور في سوق الهدي ..في الخريف حقو الناس من السوق تقيف ..تقيف لماذا؟ لان الجزاره حاله بالبلاء الضبح في اطراف السوق واحياناً بمنازل الجزارين الهم جزارين حقيقه سعر الكيلو الا يشتركوهو تمانيه انفار 18 الف ج دي لحمه بقر ولا سمك كان سمك يكون يالله قابضنو عوم وكان قابضنو عوم برضو ما مفروض يلحق السعر دي..الله يكون قي عونك يالمواطن..اما سوق الخضارحدث ولا حرج تلقي بتاع خضار فارش جنب بركة مياه وناس الصحه دائرين الصحه ....والله الكلام في السوق ما بكمل
مع تحياتي