سينما ...سينما...ما بتخجلي يابت سينما سي...
ما اسمو سينما يا استاذه سينماده لقب .
دخلت السينما بدون تذاكر فوجدت المعلمين في شبه اجتماع .
رايك شنو يا استاذ في قرار المدبرة ده .
القرار شنو والقصة شنو ؟
القرار المديرة فصلت ااطالبتين فصلا نهائيا والقصة البت بتحب واحد ملقب بي سينما عازف اورغ طالبة تانيه خطفتو منها وصربتها فاشتكت للمديره
اختلفت الآراء فمنهم من يرى ان القرار صائب واقتص للتربيه .
واﻻخريرى ان الطالبتين اصبحتا من الفاقد التربوي فالحب موجود ومالي المدرسه فلولا الظرف لما كشف حب الطالبتين .
وﻻ يمكن نحاسبهما بقانون الزمن الجميل وﻻ ننسى الشارع والعولمه التي جلبت كل هذه المشاكل . والحب حلال زي ما قال احمد المصطفى .

سلام سيد عكاشة
ده اسمو من الحب مارفد وليس ماقتل
لكن هل ان تفصل طالب نهايئا حللت المشكلة بالعكس ح يكون اكثر خطورة على نفسه وعلى المجتمع
وستترسب لديه عقدة نفسية وسيحاول ان يلتقي بزملاؤه الطلاب حتى يلقو نفس المصير وتطلع المديرة هي الغلطانة
العلاج النفسي والتنويري بمخاطر السلوك ان كان ضارا
البدني
كلو وارد لكن الفصل ح تزيد الطين بلة
ويحلها الحلة بلة بعد داك

الشاعر الرقيق عكاشة
لكن البت دي تحب ليها سينما عديل كدة
كان تحب ليها تلفزيون صغير عشان زول يعرفها مافي
وبرضو ضد الفصل العنصري حتى لو كان فصل المساء

سلام عليكم شيبا وانا الشاب جيتكم
انا عندى راى ونقطه كبيره جدا فى التلفزيون والمسلسلات المدبلجه
كل العادات الدخيله بدت من هنا واى ابو مفروض يتعامل مع بناتو بكل صراحه
ويعودن على الصدق والامانه ويفهمن عمايل اولاد الإيه
وبى تحت تحت شغل تجسس عديييييل للصاحبات والتلفزيون والتلفون
وخمستاشر سنه بس ودعمها طوالى
الزمن ده ولادت البنات هم حقيقى ومراقبتهن اهم وضروره
انا عارف الكلام ده انا زاتى مابقدر عليهو لكن نسوى شنو اخير من المحن والاحن وياريت
وربنا يستر بناتنا وبنات المسلمين امين يارب