السودان بلد المفارقات والاسعار النار والبتزيد من غير اسباب وزيادة غير منطقية كما قال وزير الصناعه زيادة السكر غير مبررة
اتخيل ده وزير طيب الزادو منو على وزن الدقو منو
المهم ودي قصة حقيقة الراجل ماشي الصلاة في الجامع الجنبهم امو قالت ليه جيب لينا معاك سكر من الدكان اشترى رطلين ومشي الصلاة وقبل مايصل البيت امو اتصلت عليه قالت ليه جبت السكر ايوا ياحاجة جبت رطلين
قالت ليه ماكفاية جيب رطلين تاني ورجع لبتاع الدكان عايز يشتري رطلين وتفاجأ بتغيير السكر في اقل من نص ساعة
قام قال ليه يعني مانمشي نصلي ولا شنو
كنت بتكلم مع اخونا حسن اسماعيل وبسالو عن الاحوال والاسعار قال لي انت عارف كيلو اللحمة بي كم
طبعا الولد مواكب الاسعار قلت ليه ايوا بي 30 الف قال لي ده كان قبل اسبوع اسه بي 40 الف ب
زمان سمعنا نكتة الراجل الجاء يشتري صابونة وبتاع الدكان قال ليه بي 25 قال ليه زادت متين مش كانت بي 20 طيب خلاص ح اجيك بكر ة
الدنيا ليل بجيك الصباح ولي نفس بتاع الدكان ونفس الصباح الراجل تم القروش ال25 واداهم لبتاع الدكان على ثقة ادينا صابونة
قال ليه بقت بي 30
قال ليه يعني ماننوم بالليل كانت بي 25
اسه الحاصل قبل ماتنوم زاتو السعر يزيد
الى متى هذا

ابو الطيب
نعلك طيب
الاسعار مولعة نار حتىى اللحمة اغلى من مصر بقت

كالعاده بنحز اللبن من سيد الدكان وبخليهو عندو لحدي ما نجي نستلمو منو
في اليوم التالي قال لي اسمع بكره الرطل بالف وتلتميه
قلت ليهو مامشكله احجز لينا حصتنا
بعد تلاته يوم بالضبط قال اسمع بكره الرطل حيبقي بالف واريميه
قلت ليهو مامشكله احجز لينا ولا يهمك
والله في اليوم التاني طواااااااااااااااااااااااالي قال اسمع ....
قبل مايتم كلامو نطيت ليهو وقلت ليهو احجز لينا ومايهمك بالزياده ومشيت من مااعرف كلامو شنو
ولما جيت عشان اشيل اللبن لقيت ليك السعر بقي بالف ونص

صديق الماحي كتب:

ابو الطيب
نعلك طيب
الاسعار مولعة نار حتىى اللحمة اغلى من مصر بقت

سلام ابووحيد وتشكر على المرور
زمان سمعنا الزاد كان ماكفى ناس البيت حرام على الجيران
ونحن نصدر اللحوم وكمان نديها للمصريين هدية يعني مجاني والناس ملاقاياها في السودان الا من رحم ربي

سلام حسن اسماعيل
حمدا لله على سلامة الظهور
وين انت بعد مانفشتوا القطن ونفشكم انيمبا في استادكم تاني ماشفناك

اقتباس :

بعد تلاته يوم بالضبط قال اسمع بكره الرطل حيبقي بالف واريميه
قلت ليهو مامشكله احجز لينا ولا يهمك
والله في اليوم التاني طواااااااااااااااااااااااالي قال اسمع ....
قبل مايتم كلامو نطيت ليهو وقلت ليهو احجز لينا ومايهمك بالزياده ومشيت من مااعرف كلامو شنو
ولما جيت عشان اشيل اللبن لقيت ليك السعر بقي بالف ونص

البركة الوقفت الكتابة الواحد بيقرأ وقلبو في يدو مايكون السطر البعد دة يكون بي زيادة مية جنيه تاني
اصلو كتابتك زي المزاد كل مرة زايد مية وميتين

ههههههههههههههههههه
كتابه شنو مع اللحمه دي
الواحد الزمن البضيعو في الكتابه حسن يحلم ليهو بي شيه ضان جااامده كده
هههههههههههههههه

الله الله ياوطنى
غايتو الاسعار بقت بالدقيقة
يعنى لو لاقاك زول سالك رطل السكربكم
تقولية الساعة كم والدقيقة كم؟

الناس في هذا السودان
وأعنى بالناس عامــة الناس .. وليس خاصتهم ..
مظلومين ظلم الحسن والحسين ..
مابين حكومة مستبدة ظالمة
ومعارضة كسيحة هزيلة لا تقوى على شىء ..
ولكن الله لا يحب الظلم ابدا ..
ولابد لليل أن ينجلي .
ولابد للظلم أن ينتهي مهما طال ...

طارق المامون كتب:

ا..
ولكن الله لا يحب الظلم ابدا ...

وقد لا يحب السودانيين ايضا

صديق الماحي كتب:

طارق المامون كتب:

ا..
ولكن الله لا يحب الظلم ابدا ...

وقد لا يحب السودانيين ايضا

بالعكس يا حبيب..
نحن السودانيين ديل اكثر ناس ربنا بحبنا .. والدليل ما نحن فيه من إبتلاءات .. وطبعا ربنا
مابتلي إلا عباده الذين يحبهم ...

أمشي صلي بس ما تتأخر