#خيال علمي#
الحلقه التانيه

صباح الجمعه
تيييييييييييييييييت تيييييييييييت تيت
-اي اي دقيقه بس طالع عليك ياريس
-ساعه ياخ بتلبس ياشيخ
-تقول شنو والله شالتني نومة بس
-اها الماش معانا منو
-مافي زول الجماعه كلهم سافرو امس بعد الدوام
معتمد الفاشر قال مابتدفع ولا قرش من قروش الحكومة وناس المستشفي كتبو ليهو علاجات غاليه والله وحجزو ليهو في جناح خاص
-اهاإاإا واتصرفو كيف طيب
-قلنا نعمل ليهو شيرنق بس ونحاول نقيف مع اهلو
-ماقصرت والله ياريس

علي بركة الله اسرع عشان نلحق نصلي الجمعة في الفاشر
#############
حمدا لله علي السلامه ياجماعه
جات سليمة والله
اها احكو لينا الحاصل شنو
- كان سائق وفي بهائم ظهرت في طريقو فجاة وفد السيطرة علي العربيه
-وحالتو كيف هسي
-راقد في العناية المكثفه هسي
-انشاء الله سليمه ربنا معاهو يارب
#################
- الووووو ايوة معاك باريس وين انتو
-في الابيض قلنا ننزل نفطر ونشرب قهوة ونواصل
-مامشكله تعالو علي راحتكم الامور هاديه هنا ووضعو مستقر
-لالا خلاص متحركين بعد ده
كدي قبل ما انسي الشيرنق بتاعكم كم
-والله خليناها مفتوحه ياريس حسب الاستطاعه والدنيا اخر شهر
-خلاص قول للسيسي يدفع لي لحدي ما اجي بديهو
-عاوز تدفع كم انت?
-متين جنيه معاي شيخ حسن قال ليك سجل 150 جنيه
- مامشكله تصلو بالسلامه انتو بس
يلا باي
################
- الوووووو ايوة ماسامعك والله الخط بقطع
-الووووووو الوو الوووو
- ايوة الوووو ماسامع والله ولاحاجه الووو

تن تن تن
بتعرف الرقم ده ياعرمان غريب علئ والله وماعرفتو
- كدي بدايتو كم
- هاك شوفو التكنولوجيا دي بعيد منها انا
-هههههههههههههه بالغت لكن ده رقم سيلفا ياخ
-لالا ماظنيت عندي رقمو سلفا
-القديم غيرو
والله انت القديمارجع ليهو شوفو مالو
- خليني احول لي رصيد طيب
-شوف الحلو لانو نزل رصيد قبل شويه شيل ليك منو دقيقه
-يا الحلوو عليك الله تلفونك دقيقه بس اشوف سلفا ده مالو ضرب وماعرفتو وشبكتو كعبه وماعندي رصيد
-هههههههههه كؤن نفسك ياعقار ياخ يوم واحد بس اشوفك بتحول في رصيد
ههههههههه هاك خلاص بس دقيقه واحده ماتزيد عليك الله عشان عاوز اضرب لناس البيت
###########
- ياجماعه ممكن تطلعو لينا من هنا دي ما مواعيد زيارة
لو سمحتو طبعا
-طالعين ياجنابو بس دقيقه نطمئن علي حالة مريضنا ده ونطلع
-ولا دقيقه والله معليش ياجماعه دي لوائح المستشفي
-ياخ ماقلنا لينا طالعين شنو يعني لو قلنا ليك دقيقه
-ياعرمان عليك الله ماتجيب لينا هوا الريس ده جاي في الطريق خلينا نعدي اليوم ده ياخ
-يلا يلا جماعه اطلعو برة لو سمحتو
###################

منتصف الطريق بين الابيض والفاشر تعطلت عربية الريس والشيخ

ده وقتو هسي اووووووووووووووف
-اضرب لكبر خليهو يشوف لينا عربيه
-كبر ده تلفونو قافل من قبيييل غرييييله فيهو
-ماقافل تكون شبكه بس لانو الليله الصباح رسل لي رسالة الجمعه في الواتاب
-الا اضرب لولدو اقول ليهو اديني ابوك ده اذا ماكان في المستشفي طبعا
-ياخ خلاص خليهو اضرب لعقار ولا عبد الواحد يرسلو لينا عربيه اي واحد فيهم
-الوووو عبد الوحد كيفك وكيف الاخبار عندك
الحمد لله ، اسمعني العربيه اتعطلت بينا في الطريق والله والحته خلا رسل لينا عربتك ولا جازف لينا اي عربيه
اي عليك الله اسرع بس الدنيا سخانه
##################
ياجماعه عليكم الله ماتعملو مشاكل مع حرس المستشفي ارح نطلع ونقعد تحتشجرة النيم دييك لحدي مواعيد الزيارة ونخلي معاهو علي عثمان والسيسي
-عاوزين لينا فرشات واحد يمشي بيت ناس كبر يجيب لينا ترمس مويه وفرشات والفطووور هههههههههههههه
- انت عاوز كبر يسيب ليك الولاية دي ولا شنوو هههههههههه
بكرة بتلقاهو قدم استقالتو من منصب الوالي بسببكم
ههههههههههههههههههههههههههه
############

شووووفو شوووفو ده منو الجاي من بعيد ده


يتبع

عدووووووله اعمل لائك وابقي ساكت ورسل لي بطانيه وعمود الغدا

حسن يجازي شيطانك
الحس المكوة لو فهمت حاجة
ده شنو انت بتكتب من كاودا ولا شنو

هههههههه ولا انا كمان مافاهم حاجه ياباشا

ههههههههه واسي مشي ليهم العجب تمت الناقصه