يا صديق والله النمل جبتو معاك من السفارة

سلامكم زين
والراكوبه عامره صديق .ودمدثر .وداسماعيل
ودهنونه
والشله العامره

ياصلاح نملي ولا (مارقوت) الناس
احسن لي الوطه البارده دي
يا حسن قهوتك رهيبه كدي النشوف (التني)

ياجماعة الراكوبة دى صانة من المزيقة والطرب ،الحاصل شنو إنتو قايلين رمضان الطرب فيهو حرام؟ تاريخ الطرب فى الهدى عريق بدأالفن الشعبى (حسب ذاكرتى القريبة لانى من جيل مايو)من ناس أحمد خيارى ،والاحمر الصادق خيارى مرورا بناس حامد الصديق سليمان ويحيى خلف الله (عليه الرحمة والغفران) وبشرى زروق وكان معهم ناس بشير ادريس فى الايقاع ،ثم جاء بعدهم عصر الحداثة من ناس برجاس وأبناء عمنا الفاضل سراج وعطا المنان والامين خلف الله وهؤلاء غنوا من الغناء الحديث فى ذلك الزمن،بعدهم جاء الشباب عمر الصديق محمد حيث غنى للجابرى وأحيا حفلات واعراس كثيرة ومثله قمر مساعد وكانو الاثنين يعزفون على الة العودة،ومنهم ايضا الاخ حمزة العوض والاخ الهادى عبدالله حمد والاخير كان يميل الى العزف أكثر من الغناء إلا فى جلسات الاستماع ،كما أن للمديح صولات فى مسجد الهدى وفيه ايضا طرب جميل لاجيال كبار السن حيث استمتعنا فى صبانا بالشيوخ خلف الله عطا المنان وحمد المقبول وودالشريف ،والانشاد الدينى والحماسى كان حضورا كبيرا من عمنا ودالمهل وحقار عليهم الرحمة جميعا،كدى بالله يابووضاح وكل أعضاء الراكوبة حركوا الذاكرة شوية ودندنوا لينا وماتخافو مافى حرمة ولا حاجة

وين اول فنان بالهدى ياودالياس علي الصادق خيارى ، انا ماحضرتو اغني لكن محل امش في المنطقة ودالفنان ودالفنان !

الناس كانو بسيطين ابوي قالي بمش اغني في العقدة وداغيبش وكل مره بعد الحفلة يدوني ريحة وصابون حمام هدية وتعبير عن اعجابهم ، قلت تعالو هنا انتو شامين فيني ريحه عفنة ولاشنو؟ مافي قروش بس ريحة ريحة.

ودالشيخ كان فتحناليك في الغنا محل تنبطح فيهو مابتلقاهو ولا زير حسن ولاكوزو بلقو محل

متعك الله بالصحة ياكباشى نحن نسينا أبوالهول بجلالة قدرو ،الاخ الحبيب الفنان المخضرم على الصادق خيارى (انا ماقلت ليك نحن جيل مايو؟)،الظاهر الفترة بتاعت اغترابه فى ليبيا جعلتنا خارج الشبكة،بالله ياكباشى سجل لينا منه بعض الاشعار الغنائية التى كانوا يرددونها فى ذاك الزمن،واساله عن منو الكانو شيالين معاهم

سلام لكل اهل الراكوبة
وسلام خاص للزول الجاب الشعب
والشرقانية والناس الربطو معاهو
الراكوبة
حقيقة كل يوم معاكم في الراكوبة
لاكين نايم لانو طوالي مساهر
ليكم علي اجيب ليكم زول انم ليكم
من بكرة

اها ياود الياس عمك علي جاكم في راكوبة ود الشيخ
وبقول ليك انو بدايتو كانت سنة 49 في الحلاوين (التكلة _ شرفت _مناقزة _حلة عباس _... الخ
وسجلتا في اذاعة ودمدنى سنة 73
والشيالين (خيارى _ احمد خيارى )
وعازف الايقاع د_ سيف حمد وفتها كان
طالب في حنتوب وعازف الطبلة بشرى زروق

حباب فنان الزمن الحلو ،والله لكن ناس سيف حمد وبشرى زروق قدلوا قدلة تستحق الإحترام،ونحن بهذا أكثر شوقا للوقوف على كلماتهم واشعارهم بالله اكتبوا لنا ولو مطلع أغنية أو مطلعين لنتخيل معا على الصادق رافع الرجل اليمين وداقى الرق مع الرمية البقول فيها "إحمى بنات الإريك مايمرقن" دى انا سمعتها من بشرى الصادق حينها قالوا نزل عمك محمد ودالانصارى وعرض عرضة جيدة بسوط عنج ولمن جا مارق قابلوهو الجماعة فقال بنشوة"والله بشرى ودالصادق دا شديد فى الغنا خلااااس" وأكيد هذا الشبل ذاك الاسد الهمام على الصادق،بالله ادونا من بيت الكلاوى

يا ود الياس والله انا حتي الان اذكر الاغنيه التي كان يتغني بها العم احمد خياري في ذاك الزمان : الجدي العام انفدع يا بنتنا شوف عيني السكر نقع
والان يتغني بها احد الفنانين الشباب

يا ود الشيخ اشكرك علي تواصلك والراكوبه ماشاء الله عامره بالشباب وبالاغاني

سلام ياناس الراكوبة غايتو نحن مامحظوظين معاكم كلو كلو نجي الراكوبة نلقى الناس فروا
تكونوا فاطرين تغنوا وتقرطعوا من الزير على كيفكم
وتجيبوا في الشمارات ونحن صايمين مافي لينا طريقة الا بعد الفطور لانو الشمارات بتجيب ليها قطيعه والقطيعه في نهار رمضان لاتجوز
ياودالشيخ لو راكوبتك دي بعد رمضان بتكون شغالة ح تشوف شوف

ياناس الراكوبه
رمضان خشه في العضم خلاص

والله يا ود الياس ابداع جبت لينا عمك على زاتو فى الراكوبة وبزيارته ليتا راكوبتنا عمرت وخلينا نعمل زفة للعريس عوض فى الراكوبة

ناس الراكوبة سلام
مالكم صانيين كدا لو الفي الرآس كملت ممكن تفتحو الكراس ولا ناس الضرائب لافين علي العموم جهزو البروش للتهجد وما تنسو برامج العيد يا ود الشيخ جيب ليك خروف مدوعل من ود الجربان وخلي طارق يجهز السلطات بس سلطة الاسود لا وحسن يجهز الشربوت وعادل يسوي الشية ويا ود الياس ما تنسي التكايات عشان عم كريشنقة يا ناس الراكوبة ما تنسو اخونا المحامي ود عمنا حسن بالدعم والدعاء
و يا الشريقاوي عليك بام فتفت وكمان جيبو جدنا كامل ود الصباحي عشان حلاقة العيد والجنا اب قميصا احمر دا خلو يجيب شوية ادوية عشان المقص وكدا كمان بلال مامون قال عندو حلو مر كارب ويا زيادة جيب معاك نعناع المدينة بظبط شاى الغزالتين

سلام ناس الراكوبه
يا هيثم قسمتها صح بس
في ناس بيدخلو منتدانا زوار
وبكشفوا الحلو مر وبتبوظ الحكايه
وقبل الزحمه كل عام وانتم متجمعين
علي الحلو والمر
دمتم

___________
لله الحمد والمنة

يا ناس الراكوبة ما عندكم يوم ختامي ؟؟ و الراكوبة وضعها شنو بعد رمضان ؟؟

والله يعد رمضان القعاد في الراكوبه بكون صعب جدا عشان الشغل بكون ضحوه وضهريه غابتو الا نقول للناس ياااااااااااااااااأك
العيد مبارك عليكم يا ناس الراكوبه وكل عام وانتو بالف خير

حباب ناس الراكوبة ..

مالكم والدنيا قبائل عيد مافي أي زول ..
والله الناس بتجهز .. اهو لمتين الناس بجهزوا ما خلاص .. اسأل الله ان يعيده عليكم بالخير الوفير والصحة والعافية .. وكل عام وأنتم بخير ..

سمعنا شمارات قالوا
الراكوبة ح تستمر زي مسسلسل باب الحارة .. وامكن يتغيير الأسم يكون الراكوبة 2 على وزن باب الحارة 5

وكل عام وأنتم بألف خير .. ونشوفكم في الراكوبة الجديدة المعروشة والمرشوشة ..

ما شاء الله يا عم طارق

انا اول حاجه كنته قايل انك انتا تصورته علي يسارك احمد الصادق ويمينك طه سليمان

انا اصلي كنته قايله صوره تذكاريه

[ندعوك للتسجيل في المنتدى أو التعريف بنفسك لمعاينة هذه الصورة][flash(20,20)]ما شاء الله[/flash]

خمسة وخميسة منك يا ولدنا الحبيب وائل ..
بس اقول ليك كلام صاح .. ديل احمد الصادق وطه سليمان وبينهم عمك السر قدور ..

يا اخوانا الحقو راكوبة ودهنونة لفه فيها واحد من اعاصير كاترينا ومعاهو مطره وبرد ما بتاعات الاردن دي في الهدي اتشلعت واسع نحن ماشين المورده نجيب حطب كتير عشان نكبرا وتكون متينه ودور رمله نفرشو في الواطه بعد رمضان فات برضو بتكون في قعده جميله يا الله يا ابو سفنجه جهز حق المصنعيه والحطب والقش المليجي حالف ما تدفع ليهو الا يا اجراء

حبيبنا ودالطيب
كل عام انت والمليجى بخير يا سيدى نحنا حاضرين للاجرة
بس انت والمليجى ظبطوا الشغلة
تحياتناللكل

والله ياطارق عمك السر قدور دى ابدعت فيها
( فلسة ما منظور مثيلة )

يا صديق علينا وعليك اتبارك والله يحفظ ليك بنيتك الحليوة دى

ولدنا وائل كل سنة وانت طيب

كل الاخوة الاعضاء والزوار السلام عليكم.
ياشباب سمنعا عن راكوبة رمضان من اخونا الغالي ودهنونه
الرجل النشط لكن ماشفنا حاجة عن العيد معنها شنو ونسميها شنو نقول دي
جرررررسه سااااااااااااااااااااااااااااااااااااي
لكم مني كل الود

حسن اسماعيل كتب:

ياناس الراكوبه الليله كرامه سيد البلد انشا الله علينا وكل سنه وانتو طيبين
بس اي مريخابي عندو ضغط او سكري عليكم الله دسو منو الرادي والتلفزيون وماتخلوهو يقرا جرائد بكره

حسن اسماعيل كل عام وانت بخير وصحة جيدة وعقبال زوال الصـــــــــــــفـــــــــر الكـــــــــــــــبيــــــــــــــــر داأأأأأأأأأأأأأأأأأأأأأأاكــــــــــــــــــ المن زمن الانجليز والله في مثل بضربو في حال الشفقة ( اي التسرع ) ان شاء الله تكون عارفو

ونتمي التوفيق للهلال اليوم

اخونا هيثم سلامات من الله عليك
السنه الجايه انشا الله زي ماداير
انتو البسمع كاساتكم دي يقول رفوفكم ملانا كاسكم المن زمن اللاعب برجع الكوره للحارس بالله ماتختشو ياخ هو كان سنه كم ؟؟؟ محمد عبد الماجد في جريده قون قون قال كاس المريخاب ديل زي جركانه العسل بتاعه النكته المشهوره
الوصيفابي مما تعصرو يقول ليك نحن ناس جركانه العسل ههههههههههههههه
العسل تطير عيشتو
العافيه درجات كدي اشبعو من الممتاز ده اول وبعدين تعال مد لسانك
ههههههههههههههه

ياخونا الملطشاب عفوآ اقصد المريخاب مادين اللسان طويل فوق كم.

فوق عدم الشغله
اصلو الناس ديل طلعو من البطولات
اها دايرهم يفعدو ليك مكتفين يديهم
لازم يشعرونا انهم موجودين
السنه دي لا طوب ولا سيخ ولا طابق تالت
قالو احسن نمد لسانا

الوصافه ذاتا مالحقوها في الامارات
هههههههههههههه
اصلو مافي زول هناك بدي ضربه جزاء او كرت احمر
هههههههههه
اصلو متعوده دااااااااااااااااااما

حسن اسماعيل كتب:

الوصافه ذاتا مالحقوها في الامارات
هههههههههههههه
اصلو مافي زول هناك بدي ضربه جزاء او كرت احمر
هههههههههه
اصلو متعوده دااااااااااااااااااما

لو كاس فهيمة دا كأس الحمد لله عندنا منو كتــــــــــــــــــــيــــــــــــــــر
سيكافا ونــــــــــــــــــ وتــــــــــــــــو و دبـــــــــــــــي و مــــــــــــــــــــــــــــــــــــــــــانديــــــــــــــــــــــــلا

سيكافا الكاتلين فيهو رقبه ده والله انت قاصد واحد تاني
والله لو جبت جيل الزمن ده مابعرف ليك كاس اسمو مانديلا
انتو البطوله الشلتو فيها مانديلا دي اسما شنو؟؟؟؟؟؟؟؟؟؟؟؟؟؟؟؟

ود اسماعيل لك التحية اين ماكنت ياراقي
اخوي خلي الناس تسمي سااااااااااااااي
ماتحرق رزك
برى مانديلا وسيكافا دا اسمها
كاسات المجاعة وبالعربي ليق ساااااااااي
نحنا بنعرف شقل الرجااااااااااااااااال
ابطال افريقا كاس الاتحاد الافريقي وبس
ولو عايزين كاسات الليق ياهيثم ابراهيم
كان شبعنا فيها شبع ويوم 26 بمدني بنعمل
تصريف علي البحر مباشرة علشان المواسير بتشتغل.
لكم مني كل الود

musa a abd alazeez m كتب:

ود اسماعيل لك التحية اين ماكنت ياراقي
اخوي خلي الناس تسمي سااااااااااااااي
ماتحرق رزك
برى مانديلا وسيكافا دا اسمها
كاسات المجاعة وبالعربي ليق ساااااااااي
نحنا بنعرف شقل الرجااااااااااااااااال
ابطال افريقا كاس الاتحاد الافريقي وبس
ولو عايزين كاسات الليق ياهيثم ابراهيم
كان شبعنا فيها شبع ويوم 26 بمدني بنعمل
تصريف علي البحر مباشرة علشان المواسير بتشتغل.
لكم مني كل الود

الجماعة قالو من امس رايحين في باماكو وا عارفين يقبلو وين

الاخ الرائع وحبيبنا الغالي هيثم ابراهيم
اخوي انت فاكر الجماعة فاكنهم ساااااااي
ديل معاهم سيدا الدكتور علي قاقرين دا حافظ افريقيا كلها انت فاكر معاهم ابوجريشة
هههههههههههههههههههههههههههههههههه

سلام
بلاي انتو قاعدين
طيب نجيب لينا كوشتينة ونجيكم لو لقينا حريف
وست ولو ماكدة جهزوا للحريق

ياخوى نحنا ناس حريق بس

انا بعرف خم الولد بس

د/ احمد الخضر ظهر واكيد
ح يجيب اخبار المدارس بالتفصيل
يلا يا دكتور لينا زمن منتظرنك

يا ود هنونة يابوالروائع

كيفن حالك نعلك طيب آخوى البلاء ماجاك يطيب معناك

دحين الراكوبة دى رمضان بس؟ ستوت ماينفع؟ أها آخوى

خاشين عليك بعد العيد ورينا الدرب ,, الكشاشة دى

قاجنها وين؟ فى حوش ودابراس؟

الاكرم وليد رائع انت
بطلتك البهية وحبابك
يا اخوى اللبسأل ما
بتووووووووووووووه