شباب راكبتكم دايره ليها لمه
بطلو الجرسه وتعالو لجاي
ماتتحايل لي بفارق الزمن ياعدوله
قول متجرس بس
وطارق مما زرع الطماطم والشطه تاني ماشفناهو اوعه يكون عملا بس
ههههههههه
ود الشيخ والله الله يكون في عونو الوحيد الفاطر فيكم
ههههههه طواااااالي بلقاهو جم الزير هههههه

يا ود اسماعيل والله انا عاجبنى الزير دا بس ياخى ما تجيب لينا معاهو خرطوش احمر ولا اصفر ان شاءالله عشان شايف الجماعة كبو الجرسة حتى ناس الطائف كمان

اهلا اهلا بالمهندس على والله حبابك وحباب زادك الطاعم ورايك شنو فى كلام اخونا كباشى دا والله انا شايفو راى جميل ويلا ابدا لينا انتا باسلوبك الدرامى دا

يا حسن اسماعيل والله نحنا نفرح لفرحكم كمان

انااشكر الاخوه
هيثم ,كباشى
في موضوع بخصوص المدارس
الموضوع عمل مدرسه خاصه بمستوي المجلس الافريقي
كمشروع يتبني كل المتفوقيين ودفعهم للامام وعوائده للهدي

ياسلااااااااااام ود الشيخ يامدهش والله ياحليل أيام الزمن الجميل إتذكرت تمام ويبدوإنه العشاء كان قراصة بدهن سيقان لأنه من الحاضرين أخونا بابكر إمام تحايا عميقة للأاخ بدروإن شاء الله يكون غيَر الجينز؟ لوعندكم أي وسيلة إتصال بالإخوة بابكرومحمد بلغوهم مني عاطر التحايا لك تحياتي وحبي دوما أيها الفواح

صلاح الشيخ كتب:

يا حسن اسماعيل والله نحنا نفرح لفرحكم كمان

كسير تلج مامعانا

سلام ياناس الراكوبة
بس قول لي نجيكم متين عشان تكونوا قاعدين
اسه انا جيتكم ساعة سحورنا وانتو مافي
ساعة سحوركم انتو مافي
بس ياها زاتها
نكورك ليكم ماتجو
نجيكم تكوركو
لمة شاملة كل الحبايب ودعوة عامة لكل حادب على مصلحة الهدى ببركة رمضان
ان تتوحد النوايا داخل المنتدى لتخرج بروح رمضانية الى آفاق الهدى الرحبة تدعو الكل
للتسامح والتعاون على نفرة المدارس لنرى او نسمع ثم ماذا بعد

سلام ناس الراكوبة
ودائما عامرين وتامين ولامين ..

كلام اخونا عادل دا صاح .. وياريت الناس وهم صيام حقة الفطرة ( زكواتهم ) يجمعوها ويرسلوها كتلحقية لى نفرة المدارس ..
ونرجو ان يسود التسماح والتعاون بين الجميع .

ويا صلاح .. ماشاءالله عليهو حسن .. الطلبتو كلو جابو ليكم .. الزير الآبري .. العصيدة والقراصة .. ما خلا حاجة . كتر خيركم كلم .

حضووووووووووووووووووووووور في وقت الجرسه
والجرسه حضور في راكوبه الهدي
والله يهدي حالنا وحالكم

سلام عروب سلام
اهل الرواكيب ديل ناسنا
قاصدين الديار الفيها بنخت راسنا
نوانس ونمبسط نضحك تبين اضراسنا
‏ ‏

النفرة ماشا وراك
وقف وقف سوقني معاك
لوفي زول عارف زول ما
وصل قروش النفرة يكلمو$

حبايبنا لمتكم حلوة وحضوركم جميل لكين وين علاء الدين عبدالرؤوف من يوم عيد مبلاده ما شفناه تانى وكتيربن مسجلين غياب الحاصل شنو

صلاح الشيخ كتب:

حبايبنا لمتكم حلوة وحضوركم جميل لكين وين علاء الدين عبدالرؤوف من يوم عيد مبلاده ما شفناه تانى وكتيربن مسجلين غياب الحاصل شنو

الناس متجرسه يا ودالشيخ
مادايره تفوت التكييف
طارق ده قدر ما شلتو شيل ماعاوز يقفل المكيف ويجي للهمبريب ده
والله ود الياس ده خليهو ساي تصدق بعد تكييف الرياض العالي الجوده داك كمان مغطس الملايه في المويه متغطي بيها...
هههههههههه

والله يا حسن اسماعيل انا خايف عليكم من الايام الجاية دى يبدو انو ح تكون مولعة

صلاح الشيخ كتب:

والله يا حسن اسماعيل انا خايف عليكم من الايام الجاية دى يبدو انو ح تكون مولعة

يازووووول انت قايلني بصاحب في عادل ده ساااااااااااااي
ماللظروف الزي دي
ههههههههههه

طيب رايك شنو تجيتا هنا منها تكسب عمرة ومنها تثلج الصدور والقلوب والجيوب
ودى مشروع صداقة تنافسى

صلاح الشيخ كتب:

طيب رايك شنو تجيتا هنا منها تكسب عمرة ومنها تثلج الصدور والقلوب والجيوب
ودى مشروع صداقة تنافسى

مشروع الصداقه ده مايكون زي مشروع الجزيره
هههههههههههههههههههه

رمضان كريم ياحلوين

ياحليلو رمضان انتهى

انا زول بحب الترطيبة والعنقريب الهبابى والراكوبة وعلاقة حبها للهبوب

والنسيمة الجاية من بعيد مابتشاور اى زول من الى اتجاه تخش عليك وتسالمك

ياريت لو كانت رملة دقاااقة ومرشوشة بموية ياسلاااااام

ياود الشيخ شوية زنقة كدا

وحاويات تجى وحاويات تمر .. ومخزن مسخن .. ورمضان كذلك فى العاصمة

كل يوم بالليل نرفع يدنا وندعو

يااااااااارب مطرة

والمطرة فى الهدى زى شاى الصباح كل مايوم تجى

وبذلك تبقى حقيقة النفوس الطيبة والبلاد الطيبة حقيقة ثابتة



ويامطر عز الحريق

ويا مصابيح الطريق

اها دحين انا جايكم الليلة بدون جرسة السوق دى

جرسة السوق حااارة يااخوانا

خاصة وانت بتصل البيت الساعة ستة ودقداقة

الدعاية فن ومعلومة معلبة مضغوطة تحاول ان تشدك للمنتج

لتجد نفسك بكررره بتجرب فيهو ..

الدعاية عندنا شكلها غريب جدا ... كدى احكى ليكم دعاية من الدعايات

ونترك لكم الحكم

بعد مافطرت كدا قعدت قدام التلفاز

اندهشت لدعاية شاى الزرافتين ( والقصة ومافيها )


صبى صغير يتلبتب راحة براحة وبفتش فى حاجة وفى عيونه خوف من ان يقبض متلبسا بجرم

فجاءة يجى ناااطى ابوهو (حلاة العمة ) ويساله : بتفتش فى شنو ياولد

وبنفس ملامح الخوف والخلعة يرد الصبى : بفتش فى الدهب بتاعك انت خاتيهو ووووين

والحديث عادى (كأنوا مااااافى حاجة )

ليواصل الاب فى الحوار ويدعم من هذا التصرف بان يقول له

تعال نوريك الدهب الحقيقى

تنقش ... تنقش .. يفتح خزنة ولا سحارة

ويطلع منها حبات شاى الزرافتين

ويطلعوا فى السهلة بره او فى الحديقة

ويكرطعوا سوا شاااااى الزرافتين






اها ياللحبان

دحين دى ماسرقة مقننة .. ابن يتصرف بطريقة خاطئة فيها ملامح السرقة

واب يدعم ذلك

يعنى الدعاااااية دى خلاصتها لو بعدنا شوية من شاااااى ابوطويلة دا

بتنادى لانو السرقة والبحث عن اشياء الغير من دون علمهم

عاااااااااااااادى

والله انا غلطاااااااااااااااان

بجيكم رااااااجع تااااااانى

نديكم نموذج تانى لدعاية عشان ذاتو نعرف التاثير السلبى والايجابى

وزى ماعارفين اكتؤ ناس بحبوا الدعايات الاطفال



بوهيات المهندس انتهجت لها نهجا طيبا وجميلا فى هذا الشهر

بعيدا عن الزولة الوقعت دييييك وهى بتبص على الجيران

اسمها منو يااااربى .... ايوا خددددددددددددديجة

دعاية جميلة شدييييييييييييييييييييييييييد

عبارة عن دراما تحكى عن اتنين من الموظفين اثناء ساعات العمل

الاول مسخن فى عمك كبير كدا جاء ليينجز بعض الاعمال وهى بيد هذا الموظف

الدراما (بدون صوت ) خيالك يمرح مع الصورة .. والموظف الاول يجدع ليك الورق لعمك

ويعمل فيها صااااائم وكدا

وعمك الحزن يحيط به من كل جانب

لو فرضنا الموظف الاول حسن اسماعيل (ماعارف لييييه لكنو تبادر لذهنى )

اها وقبل ماعمك يمشى مكسور الخاااااااطر يلاقيهو ليك شيخ مهند الموظف التااانى

ويربت على كتفه ... ويجيب ليهو كرسى .. ويحل ليهو كل مشاكلوا ويديهو ورقوا كامل

ويتابعوا بابتساااامة

وفى الاخر كدا

تاتنى خلاصة القصة ان هناك اناس يصومون ولكن ليس فى صيامهم شىء

سوى الجوع والعطش ...........!!

وفى النهاية تجى صوما مقبولا مع تحيات بوهيات المهندس

والله حبابك تانى وتالت و..........
كدى هسى نخلى خرمت الشاى الماسكاك دى تفك وبعدين نتفاهم فى موضوع السرقة دا

سلام ياناس الراكوبه والله في الاول كنت قايل صلاح بضحك علينا بس بموضوع الراكوبه لكن الليله قلت اشوف اللمه دي في شنو.
ماشاء الله شايف ود الياس ماشي عليكم اصلو بحب اللمه لانو اخو اخوان وكمان عادل من هناك يتجرجر عليكم وطارق اب سفه كمان قاعد معاكم لكن في زول معاكم ما عرفتو تب وسامعكم بتقولوا ليهو حسن آ ناس ماتعرفونا علي الزول دا امكن يكون قريبنا ونحن ما عارفين
يا ود الشيخ من يوم الليله انا برقد فوق الرمله دي بس لانها صاقطه ونعلاتي بختنهن تحت راسي دا.
كدي زح شويه يا كباشي عشان امد كراعي دي.
بكره بتجو
مع السلامه

يا ود الشيخ انا كنت ماشي لكن شايف عبد الرحمن وحسن جايين كدي نتاخر شويه معاهم وما مشكله حاجات الفطور بنوديها بعدين.
ود مدثر دا بدا لينا الموضوع بالبوهيه قلت اكيد داير يجرب فينا حاجات السجانه وفرصه للتسويف لكنه بسرعه زاغ علي الغزالتين.
يا ود مدثر بتعرف السيخ

صلاح قول لصديق خالد ابعد من الحقة دي شوية ؟

شوف راقد كيف وبعاين للحقة دي كيف ؟ دلوقت ود موسى قفل .. وماعارفين بعيدن نجيبو من وين .

خلاص صعوط ود موسي دا التقول صعوط دهب
آها نرقد ليك وين كلما نزح نلقاك بازغ لينا سفه والله بعد دا الا نرقد تحت رقراق الراكوبه وعاين دا كمان متشبح كيف زح شويه يا ود الشيخ خلي الناس ترقد جنبك

حباب ودعوض الكريم

حبابك صديق واجمل حاجة فى الهدى مشية العصرية

تجيب لك تلج من الجنا ودابوعلامة

هسع باقيلك قالوا ليك بقى فى مصنع

انا زمان بتكيف لفرن الامين احمد الفكى بتاع العيش آآآلالى

والعيش آلا لى زمان كان عندو ريحة منعشة

مازى هسع

اى حاجة اتغيرت ياااااااااااخ

نوزع الادوار والافكار ياالحباااااااان

الليلة الشاااى والقهوة على انا والعصيدة على ودعوض الكريم

فكرة القدح البجيك كلو اسبوع مرة فكرة تنادى بالوحدة وبالتكافل

وبالاهتمام المتعااظم

الناس يوم القدح يكون عليها بتقيف على رجل واحدة

همة ونشاط

وتسابق من الجارات من اجل الملاح الطاااااااعم

وفى النهاية طبعا بفوز بهذا السباق

ناس السباتة الكبيرة البررره

وبنتم المنى لمن يكون جاى عابر طريق

او ضيف مقطوع

فرن العيش آلالى ذكرنى زمن كان اى واحد يشيل كرتونتو

ويقع السوق ويشترى ليهو 200 عيشة ويقعد يطقطق بعصاية

فى كرتونتو وهو حائم بشوارع الاحياء

وتسابق كذلك من اجل نغمة جميلة

تمكنك من مخارجة عيشك بدرى



واوعى تقع العييييييييييييش الباااااااااايت

العيش الباااااايت بيعمل الفلااااااايت

اما الزمن دا بقى زمن الداااااايت واللااااااااااااااااايت والريجيم

الاخوة والاحباب شفتو قعدة الراكوبة وهواها البارد ازال القشاوة وخلى النفوس صافية وجميلة جمال راكوبتنا العتيقة
لكن وين المبدع حسن اسماعيل والله ليك وحشة

يا ود مدثر شربنا المويا وجيناك قلت لى شاى الغزالتين مالو ؟ ولا دهانات المهندس
العلبة دى فيها ايييييييييييييييييييييييييييييييه ؟

يا صديق خالد قلنا ليك 14 مرة ابعد من حقت طارق دى ما شفتو سفلتة قراها شنو ؟

صلاح الشيخ كتب:

الاخوة والاحباب شفتو قعدة الراكوبة وهواها البارد ازال القشاوة وخلى النفوس صافية وجميلة جمال راكوبتنا العتيقة
لكن وين المبدع حسن اسماعيل والله ليك وحشة

وينك يافرده نحن هنا
الليله ماخليتو لينا حته نقعد فيها
طارق في نص الراكوبه
ود الشيخ 24 ساعه جم الزير قال عاجبو الكووووووووووز
اهااااااااااااااااا في داعي للسياسه هسي يا صلاح
هههههههههههههههه

صلاح الشيخ كتب:

الاخوة والاحباب شفتو قعدة الراكوبة وهواها البارد ازال القشاوة وخلى النفوس صافية وجميلة جمال راكوبتنا العتيقة
لكن وين المبدع حسن اسماعيل والله ليك وحشة

ياحبيب نحن قاعدين لكن طارق ده ماخلي لينا حته نقعد فيها قاعد في نص الراكوبه كده التقول صايم
وود الشيخ ده 24 ساعه جم الزير قال ايه قال عاجبو الكوز قال
ههههههههه في داعي للسياسه هسي يا ود الشيخ

يا ود مدثر اظنكم انتو قاعدين قريب من الراكوبه من تشوفونا مرقنا فت تجو داخلين يا جماعه انتظرونا شويه ولا تاني نحن ما بنحي.
ياجماعة انا الليله مشيت الجزاره اقصد السفاره عشان اجدد الجوازات عشان كدي اخرت لكن ما مشكله قدحكم جاهز ابشرو.
الليله مالها راكوبتك يا ود الشيخ جايبه ليها نمل الترطيبه زادت ولا شنو.
ان ماشي اشوف السخلان ديل مالن وبعدين بجيكم  

يلا ياناس الجبنات تعالو لي جاي

حبيبنا حسن بعد جبنتك البتعدل المزاج دى نمشى على التلفزيون ونشوف غناة الشروق دى فيها شنو
فيها رانية هارون ما اختبأت تحت مكياجها ولا تدثرت بتوب الدلال الكاذب تلك الانسانة التى توشحت بقلب ناصع لا تشوبه ذرة رياء بل دمعها يفيض مرارا وتكرارا وكأنها تتسآل كيف بهؤلاء لايعلم بهم احد
برنامج مع كل الود والتقدير حلقاته تبكى من لا يبكى ثمانينى ما زال ينجد العناقريب وآخر يعمل من اجل اخوته الثلاث المصابين بعلة نفسية والحاجة حواء وقصة طفلها المريض و....و...
التحية لك رانية وانتى تجوبين ولايات السودان ومآسى شعب مجهول المصائب
لك كل الود والتقدير من راكوبتنا العامرة

يا صديق والله النمل جبتو معاك من السفارة

سلامكم زين
والراكوبه عامره صديق .ودمدثر .وداسماعيل
ودهنونه
والشله العامره

ياصلاح نملي ولا (مارقوت) الناس
احسن لي الوطه البارده دي
يا حسن قهوتك رهيبه كدي النشوف (التني)

ياجماعة الراكوبة دى صانة من المزيقة والطرب ،الحاصل شنو إنتو قايلين رمضان الطرب فيهو حرام؟ تاريخ الطرب فى الهدى عريق بدأالفن الشعبى (حسب ذاكرتى القريبة لانى من جيل مايو)من ناس أحمد خيارى ،والاحمر الصادق خيارى مرورا بناس حامد الصديق سليمان ويحيى خلف الله (عليه الرحمة والغفران) وبشرى زروق وكان معهم ناس بشير ادريس فى الايقاع ،ثم جاء بعدهم عصر الحداثة من ناس برجاس وأبناء عمنا الفاضل سراج وعطا المنان والامين خلف الله وهؤلاء غنوا من الغناء الحديث فى ذلك الزمن،بعدهم جاء الشباب عمر الصديق محمد حيث غنى للجابرى وأحيا حفلات واعراس كثيرة ومثله قمر مساعد وكانو الاثنين يعزفون على الة العودة،ومنهم ايضا الاخ حمزة العوض والاخ الهادى عبدالله حمد والاخير كان يميل الى العزف أكثر من الغناء إلا فى جلسات الاستماع ،كما أن للمديح صولات فى مسجد الهدى وفيه ايضا طرب جميل لاجيال كبار السن حيث استمتعنا فى صبانا بالشيوخ خلف الله عطا المنان وحمد المقبول وودالشريف ،والانشاد الدينى والحماسى كان حضورا كبيرا من عمنا ودالمهل وحقار عليهم الرحمة جميعا،كدى بالله يابووضاح وكل أعضاء الراكوبة حركوا الذاكرة شوية ودندنوا لينا وماتخافو مافى حرمة ولا حاجة

وين اول فنان بالهدى ياودالياس علي الصادق خيارى ، انا ماحضرتو اغني لكن محل امش في المنطقة ودالفنان ودالفنان !

الناس كانو بسيطين ابوي قالي بمش اغني في العقدة وداغيبش وكل مره بعد الحفلة يدوني ريحة وصابون حمام هدية وتعبير عن اعجابهم ، قلت تعالو هنا انتو شامين فيني ريحه عفنة ولاشنو؟ مافي قروش بس ريحة ريحة.

ودالشيخ كان فتحناليك في الغنا محل تنبطح فيهو مابتلقاهو ولا زير حسن ولاكوزو بلقو محل

متعك الله بالصحة ياكباشى نحن نسينا أبوالهول بجلالة قدرو ،الاخ الحبيب الفنان المخضرم على الصادق خيارى (انا ماقلت ليك نحن جيل مايو؟)،الظاهر الفترة بتاعت اغترابه فى ليبيا جعلتنا خارج الشبكة،بالله ياكباشى سجل لينا منه بعض الاشعار الغنائية التى كانوا يرددونها فى ذاك الزمن،واساله عن منو الكانو شيالين معاهم

سلام لكل اهل الراكوبة
وسلام خاص للزول الجاب الشعب
والشرقانية والناس الربطو معاهو
الراكوبة
حقيقة كل يوم معاكم في الراكوبة
لاكين نايم لانو طوالي مساهر
ليكم علي اجيب ليكم زول انم ليكم
من بكرة