سلام ناس الراكوبة ورمضان كريم تصومو وتفطرو علي خير الجمة بندورا بعدالجري الكتير والماعارفين اخرتو شنو بعدين اليومين ديل انا في اجازة يعني مافي دفع ونسة معفية من الضرايب بعدين ياودالشيخ راكوبتك دي مالا زي زي صيوان العرس حبة حلاوة وقزازة ببسي والكشف وربنا يتم بخير وطوالي الواحد يفوت كان كدا انا حدي الفطير باللبن وشعيرية العشا وتور الصباح وام فتفت لك التحية قدر حسنات رمضان

اقتباس :

وتور الصباح وام فتفت

كباشي بتتشهى مالك اليوم الجمعه مايوم السوق
الكلام بخلي ليه زول يتمطق والعجب كان فيها التي

بسم الله كدى الندخل على الاخوان فوق راكوبتكم الحلوه دى باقى عندنا الجمعه دى راحه
وشايف الناس كترت والفضل يرجع لى اخونا ودالشيخ
يا اخوى شوف ليك زياده عيدان وحبه قشات وحصير من المورده
عشان ما نقول ليك الراكوبه كشفنا عيوبه
وعشان ما نقول ليك ما تشكر لينا الراكوبه فى رمضان
الستره والفضيحه متباريات وديا
وتحياتى لى كل ناس الراكوبه
ورمضان كريم
وربنا يتقبل

حضووووووووور ياشباب
راكوبه فاضيه
والوقت وقت عشا
مشيتو وين انتو ياعالم
ياخي متجرسين للدرجه دي

دي ماكانت جرسه دي
ياطارق اقفل التكيف ده وتعال للعنقريب ابو هبابه شويه ياخ

اما اخونا عادل ده حليهو ساي الله اعلم يكون شاف ليهو شمس قريب هههههههههه

الحبيب ود الياس ياخى كيف حالك وكيف اخونا كريشنقا بالله سلم عليهو والليله مشيت موردة عثمان العاقب وجبت لى شوية عناقريب هبابى لانو فى ناس احجامهم عائلية ما بقدروا على قعاد البرش وجبت معاى كمان مشلعيب عشان نعلق فيهو باقى العضة للتاس البجو متأخرين ديل

اخونا الصادق خالد ياخى وينك من زمان ياحليلك وحليل فرقة الهدى المسرحية والله انا حضرت ليكم مسرحية البير والدعاش ومن هنا دى فرصة نترحم على روح الراحل المقيم اخونا مهدى سراج ونرسل تحياتنا للاساتذة فضل عبدالباقى وعادل حمدالنيل وصديق مساعد وعصام الفاضل وعطاالمنان خلف الله وبقية الكوكبة زمان الهدى رياضة وثقافة وادب وفن ومسرح وكل شى جميل ونتمنى دى يرجع والمنتديات فرصة عظيمة لنشر ثقافة الهدى

الحبيب وداسماعيل والله التلج كل يوم بنجيب لوحين من مصنع الهدى بس عا يزين زول يكسرو اوع بس من كسير التلج فى رمضان  

يا عادل انتا دايما نجى متأخر ونحنا بنكون اسحرنا ونمنا كمان

كباشى كيف حالك ياخى نحنا راكوبتنا دى مميزة فيها ناس بجو من الخليج بجيبوا معاهم حلاوة بقرة وناس من اليمن بجيبوا معاهم قات وناس من امريكا بجيبوا معاهم بيرقر ناس من ماليزيا ديل بجببوا معاهم زهور وورود وناس من حلفا بجيبوا معاهم سكر واهم حاجة السكر البخلى اللمة سكر

اخونا علاء الدين حبابك الوف يلا ادخل جاى وادينا من بيت الكلاوى بتاعك دى
واغشى معاك الطاهر برام جيب لينا زيرين كبار

الشيخ مهند زاتو اهلا والله وحبابك واليوم السعيد الليلة جابك

اليومين دى يا حسن الهدى باردة وعينا باردة لكن خليها تقرص شوية والله ماتلقى فرقة

الاخوة الاعزاء تظل الراكوبة ارث ثقافى جميل له من الدلالات والمعانى ما يطول شرحه ويكفى انه ورد فى قلب امثالنا الشعبية فيقال ان هذا الشى مثل الراكوبة فى الخريف وهنالك اشياء كثيرة شكلت بؤرة مضيئة بدورها الاجتماعى مثل التكل وضل الضحى والعنقريب الهبابى والقلاية والشرقرق واشياء كثيرة من هذا القبيل ليتكم تحدثونا عنها حتى يطمئن القلب بان ذلك الارث الجميل ما زال فى الحفظ والتداول

تقبل الله صيامكم ايها الاحباب
والله اهنيكم وانتو في الراكوبه الرمضانيه رغم حضوري المتاخر مستمتع معاكم
بس العمل الراكوبه ميين
اكيد ماهو الطريفي
بس حلوه با اهلها الطيبين
بس ودهنونه متلوم معانا كل الخير دا وما تكلمنا
بسيطه يا عم


____________
لله الحمد والمنة

صلاح الشيخ كتب:

الحبيب وداسماعيل والله التلج كل يوم بنجيب لوحين من مصنع الهدى بس عا يزين زول يكسرو اوع بس من كسير التلج فى رمضان  

الاكل ده ماداير تلج هسي عليك الله

]

اللي مابياكل رغيف في رمضان
هاكم العصيده دي

اها بعد الاكله دي تعالو اشربو المويه البااااااااااااااارده

رمضان كريم كل الاحباب فى الهدى وفى هذا المنتدى الجميل وكمان للاحباب فى الراكوبة اعادة الله علينا بالخير والبركات وتصوموا وتفطروا على خير

شكرا ياصلاح الشيخ على جلبك للعناقريب والبرش من الموردة ،وعليك الله اغشى معاك متوكل حسن فى دكانو وشيل ليك منو كبريتة ،لانو كبريتتكن انبلت بالموية ،كريشنقة بسلم عليكم وان شاء الله الراكوبة دايما عامرة

شمارات الراكوبة
*ود الياس جاب معاهو كريشنقة وح يكلمونا عن ( المشلعيب - القدح ابو خرس - التكل )
*عادل خيارى وطارق مامون تحت تحت دايرين يفتحوا ليهم مطعم
*علاء الدين الخليل ح يقدم برنامج بعنوان بدون زعل ويحكى فيهو عن مشاقبين الراكوبة
*على الطيب ارسل ليكم طردين تحايا من ماليزيا
* الصادق الشريقاوى ح يقدم ليكم طرائف الشريقاويين
*حسن اسماعيل دنقد ليهوا خمسة فدان من طارق وداير يزرعا شطة
* كباشى خيارى فرض ضرايب على الراكوبة

والله يا حسن عصيدك دى الملاح ارجل منها لكن زيرك عينة لكن الكوز رابطو مالو !!!!!!!؟ كمان بحبل احمر !!؟ الغريبة كوزك راقى وما باين عليهو شعبى !!!!!!!!!!!!!!!!!!!!!!!!!!!!!!

يا بلال مامون دايرين لينا صنية كاربة من حوش جدك البشرى دا

يا الصادق الشريقاوى والله عندنا صديق عزيز من الهلالية بد ر الدين محمد نورالدائم جانا زيارة تصفحنا مع بعض المنتدى ووقف عند قصيدك الرايعة وقد ذكر لى انه فى احدى زياراته للهدى قد تم دعوته الى منزلكم العامر لتناول العشاء ( من غير حرج كان ذلك فى عام 1987 - ما قلنا بلاش تواريخ معانا ناس فى هذاالمنتدى من مواليد 2000 ) وتوخيا للدقة وحرصا على ان يشمل شرف هذا التاريخ بعض من رموز الهدى الذين حضروا العشاء الاخ بابكر امام والاخ محمد محمد نور وشخصى الضعيف ليتك تذكر ذلك ومن هذا المنبر نخصك والاسرة الكريمة بالتحايا والتجلات والاعظام  

السلام عليكم..
الاحباب الاعزاء
متعكم الله بالصحة والعافية
ورمضان كريم صيام مقبول وذنب مغفور باذن الله
عملتو ليكم راكوبة بهنا..
للونسة ساكت
ولا بوادر تمرد وحركة انفصالية
كدى ادونى التبروقة دى انتفرجخ
وننعدل للونسة
طبعا خاشين
بجرديلن كبااااار
واحد مزرود لبن تب من بقرات ود الفضل
والتانى مقايت روب لاضنيه
الشراب بالكورة
لو فى حناكيش..
خليهن اتخارجوا
ولملموا.الطقوم
والحاجات الجاية من الخليج
خلونا..ود السنى
اخت ليكم قدح العصيدة بالتقلية
وود هنونة خت جبنتك بجاى
عشان الوتسة جرت
جيب جبنة الطين..وماتنسى الليفة عشان تصفيها
وبتديها نكهة الجبنة صحى صحى مش القهوة على راى بنى حنكوش
شراب بالكبابى مافى فناجين بس ...الحناكيش كان كبار ولا صغار ..يمتنعون..
الناس المعنقلة فى العناقريب ديل
اقول ليهم الزموا الجابرة
ناس الحجم العائلى ديل بكسرو المرق والسداية..
طبعا فى ناس قالوا السداية شنو؟؟؟؟؟؟
طيب بتعرفوا حبل الماشرو..؟؟؟؟؟؟؟؟؟؟؟؟؟؟
طيب البعرف اوسر منو؟؟؟؟؟
ما قلتو غبش ؟؟؟؟غبش كلام ساكت ولا شنو
يا جماعة الجاى شايل صينيتو داك منو
فى ناس عرفو ..وفى ناس لسة وفى ناس شايفن الزول وماشايفن الصينية
وفى ناس لا شايفن الزول ولا الصينية
تقولو السبب شنو الناس كبرت ..ولا العضة تعبانة
وعلاقة العضة شنو بالنظر؟؟؟؟؟
وداك منو الشايل الثيرمس الكبيرده
نفس الحالة الاولى مرت على الناس..
ماشاء الله..وبهناك واحد شايل صينية ومباريه ولدوا شايل جردل
ماشاء الله امانة يا بلد مافيك ناس..
ناس رجال
اولاد رجال
ناس حنان
زينين
وحلوين
هديين
ورضيين
جمعتهم الهدى
هدى المتقين
البتفرح القلب الحزين
الرحمو تغشاك جدنا ود البشرى

صلاح الشيخ كتب:

والله يا حسن عصيدك دى الملاح ارجل منها لكن زيرك عينة لكن الكوز رابطو مالو !!!!!!!؟ كمان بحبل احمر !!؟ الغريبة كوزك راقى وما باين عليهو شعبى !!!!!!!!!!!!!!!!!!!!!!!!!!!!!!

والله ياود الشيخ الكوز لو ماربطنااهو في رمضان ده كان فطرنا

سلام حباب ناس الراكوبة

جينا لقينا الجماعة مقيلين ..
وانا قلت الخروف المربوط دا احسن نذبحوا لي الجماعة .. بس مرارة وكمونية وشية بس .
وطال ما حسن جاب البطيخ السمح البارد دا مافي داعي الناس تعمل حلا .. البطيخ كفاية .. ولو معاهو شوية فواكه يكون احسن ..
وبعدين يا جماعة أخونا عادل خياري دا بجي متأخر .. خلوا ليهو حقو في المشلعيب .. عشان الكدايس .. ما بتقدر تلحقوا . بعدين بنجيكم تاني ..

استاذنا الجليل / زيادة عبدالباقى
عطرالله ايامك بعبق الحق محرب بيك وانت تعتق الراكوبة بحلو القول
نشكرك على كم الثقافة من الارث ونوجه ليك سؤال ( زمان بقولوا نركب ام كركابة وندلا فى ام روابة ) اشرح
بقرات عمى ود الفضل الله يحفظن ويزيدن
نحنا فى انتظار مخزونك المشبع بارث اهلى الحنان

يا ود اسماعيل انت اليوم سعيد لكن لاحظ كل الفواكه الجبتها دى لونا احمر واصفر برضو تقولوا اسياد البلد

ود البشرى حبابك وحباب خروفك بس ما عندنا دقيق قول للبنية دى تشيل العيش دا تدققو فى طاحونة ود السمانى واللمشى معاها اخوها عشان بت الكنانى حابسة الدرب

سلام للفي الراكوبه
يا صلاح الراكوبه وضعها بقي صعب شديد مع ود اسماعيل
والاكل الجميل (بس شكلو من الحصاحيصا)
لذلك المقيال في نهار رمضان مسسسسسسستحيل وانا ماعندي مقاومه
دمتم


____________
لله الحمد والمنة

الاخ صلاح صاحب الراكوبة رمضان كريم كتبت عند بداية الموضوع مايلي: -
(رمضان السنة دى حيكون مولع بالذات فى السودان عشان كدى جاتنى فكرة الراكوبة الكبيرة بيها نقصر اليوم وفيها نناقش موضوع نفرة المدارس ونوضبا فيها نتسامر ونتناقش ونتصافى ونتلاقى ونفترق
حيكون عندنا سياسة وثقافة وادب ومديح وغنا ودراما وكل الالوان .يلا نحنا فى انتظار اللمة)
وذكرت في موضع آخر ما يلي:-
(الاخ محمد نور نشكر ترحيبك بالفكرة والراكوبة دى حتكون دكان ودالبصير مصقر دى بناقش مشاكل السودان ودى مشاكل الهدى وبدا بالمدارس والمستشفى والزلط وكل المواضيع الهامة بالاضا فة للبرامج الترفيهية
كل الود والتقدير) اولا نحي فيكم روح الفكرة ولكن لدينا ما نود الاستفسار عنه ( نرجو المناقشة والمداخلة بصدر رحب بعيدا التهكم وما شابه ذلك من رود ممن لا تعجبهم مواضيعنا ) أين المواضيع الثقافية والادبية والسياسية ومناقشة مشاكل الهدى ؟ والاجندة التي طرحتها في بداية الموضوع ؟ و بعد مرور اليوم السابع علي تكوين الراكوبةلم نجد أي مشاركات مما ذكرت ولكن و لكن عند العبور بجوار الراكوبة تجد كثيرا من الاخوانيات تحسب نفسك بجوار مطعم ود البدري .
و مساهمة منا في أحياء ما ذكرته في بادى الطرح من ثقافة وآداب تقبلوا هذة المساهمة وهي عن معني كلمة راكوبة في اللغة وهي من مشتقات الفعل ( ركب ) و اليكم التفاصيل :-
ركب (الصّحّاح في اللغة)
رَكِبَ رُكوباً والرِكْبَةُ بالكسر: نوع منه. ابن السكيت: يقال مَرَّ بنا راكِبٌ، إذا كان على بعير خاصَّةً. فإن كان على حافِرٍ: فرسٍ أو حمارٍ، قلت: مَرَّ بنا فارسٌ على حمار.
وقال عُمارَةُ: لا أقول لصاحب الحمار فارسٌ، ولكن أقول حَمَّارٌ. قال: والرَكْبُ أصحابُ الإبل في السفَر دون الدواب، وهم العَشَرَةُ فما فوقها، والجمع أَرْكُبٌ. قال: والرَكَبَةُ بالتحريك أقل من الرَكْبِ، والأُرْكوبُ بالضم أكثر من الرَكْبِ.
والرُكْبانُ: الجماعة منهم.
والرُكَّابُ: جمع راكبٍ، يقال هم ركاب السفينة.
والمركَبُ: واحدُ مراكبِ البرِّ والبحرِ.
ورِكابُ السرجِ معروفٌ.
والرِكابُ: الإبل التي يُسارُ عليها، الواحدةُ راحلةٌ؛ ولا واحد لها من لفظها، والجمع الرُكُبُ بالضم.
وزيتٌ ركابِيٌّ لأنه يحمل من الشامِ على الإبل.
والرَكوبُ والرَكوبَةُ: ما يُرْكَبُ. تقول: ماله رَكوبَةٌ ولا حَمولَةٌ ولا حَلوبَةٌ، أي ما يَرْكَبُهُ ويَحْلِبُهُ ويَحْمِلُ عليه.
وطريقٌ رَكوبٌ، أي مركوبٌ.
وناقةٌ رَكْبانةٌ، أي تصلح للرُكوب.
وأَرْكَبَ المُهْرُ: حانَ أن يُرْكَبَ.
وأَرْكَبْتُ الرجلَ: جَعَلْتُ له ما يركبه.
والراكبُ من الفَسيلِ: ما ينبت في جذوع النَخل وليس له في الأرض عِرْقٌ.
والراكوبُ لغةٌ فيه.
وارتكاب الذُنوب: إتْيانها.
والرُكْبَةُ معروفة، وجمع القِلَّةِ رُكْباتٌ ورُكَباتٌ ورُكُباتٌ، وللكثير رُكَبٌ.
والأَرْكَبُ: العظيمُ الرُكْبَةِ.
وبعيرٌ أَرْكَبُ، إذا كانت إحدى ركبتيه أعظمَ من الأخرى.
ورَكَبَهُ يَرْكُبُهُ إذا ضربَه بركبته، وكذلك إذا ضرب ركْبَتَهُ.
والرَكَبُ، بالتحريك: مَنْبِتُ العانَةِ.
وتقول في تركيب الفَصّ في الخاتَمِ والنَّصْلِ في السَهْمِ: رَكَّبْتُهُ فَتَرَكَّبَ، فهو مُرَكَّبٌ ورَكيبٌ.
والمُرَكَّبٌ أيضاً: الأصل والمَنْبِتُ؛ يقال فلانٌ كريمُ المُرَكَّبِ، أي كريمٌ أصلُ مَنْصِبهِ في قومه.

صلاح الشيخ كتب:

يا ود اسماعيل انت اليوم سعيد لكن لاحظ كل الفواكه الجبتها دى لونا احمر واصفر برضو تقولوا اسياد البلد

ياود الشيخ نحن شغالين بمدا توزيع الفرح
يعني نحن نفرح اول عشان نفرحكم انتو الغلابه ديل
لو كان احتكرنا الفرح برانا.. كان لقيت المنتدي كلو موج ازرق

الراكوبة عمرت طيب رايكم شنو ياود الشيخ كل مرة نمسك موضوع اجتماعي او ظاهره سمحة ول ماعاجبانا نناقشا في الراكوبة دي بس باسلوب درامي وفرفشي ومايطلعنا من جو الراكوبة المرشوش دا

ناس الراكوبة ارقدو عوافي البلا ماجاكم اطيب مغناكم ،رشو الراكوبة كل مره لانها زي الجرجير ماكان مارشوه بضبلن .

كباشى خيارى كتب:

الراكوبة عمرت طيب رايكم شنو ياود الشيخ كل مرة نمسك موضوع اجتماعي او ظاهره سمحة ول ماعاجبانا نناقشا في الراكوبة دي بس باسلوب درامي وفرفشي ومايطلعنا من جو الراكوبة المرشوش دا

ياود خياري كيفنك
ورمضان كريم
وتصوم وتفطر علي خير
لينا زمن مالاقيناك

شباب راكبتكم دايره ليها لمه
بطلو الجرسه وتعالو لجاي
ماتتحايل لي بفارق الزمن ياعدوله
قول متجرس بس
وطارق مما زرع الطماطم والشطه تاني ماشفناهو اوعه يكون عملا بس
ههههههههه
ود الشيخ والله الله يكون في عونو الوحيد الفاطر فيكم
ههههههه طواااااالي بلقاهو جم الزير هههههه

يا ود اسماعيل والله انا عاجبنى الزير دا بس ياخى ما تجيب لينا معاهو خرطوش احمر ولا اصفر ان شاءالله عشان شايف الجماعة كبو الجرسة حتى ناس الطائف كمان

اهلا اهلا بالمهندس على والله حبابك وحباب زادك الطاعم ورايك شنو فى كلام اخونا كباشى دا والله انا شايفو راى جميل ويلا ابدا لينا انتا باسلوبك الدرامى دا

يا حسن اسماعيل والله نحنا نفرح لفرحكم كمان

انااشكر الاخوه
هيثم ,كباشى
في موضوع بخصوص المدارس
الموضوع عمل مدرسه خاصه بمستوي المجلس الافريقي
كمشروع يتبني كل المتفوقيين ودفعهم للامام وعوائده للهدي

ياسلااااااااااام ود الشيخ يامدهش والله ياحليل أيام الزمن الجميل إتذكرت تمام ويبدوإنه العشاء كان قراصة بدهن سيقان لأنه من الحاضرين أخونا بابكر إمام تحايا عميقة للأاخ بدروإن شاء الله يكون غيَر الجينز؟ لوعندكم أي وسيلة إتصال بالإخوة بابكرومحمد بلغوهم مني عاطر التحايا لك تحياتي وحبي دوما أيها الفواح

صلاح الشيخ كتب:

يا حسن اسماعيل والله نحنا نفرح لفرحكم كمان

كسير تلج مامعانا